Die platinummaatskappye het Saterdag gesê onderhandelingsgesprekke die afgelope week met die vakbond Amcu was konstruktief en sal na verwagting volgende week hervat.
Die werkgewers het Donderdag en Vrydag met die Association of Mineworkers and Construction Union (Amcu) vergader.
Lede van die vakbond staak al sedert 23 Januarie en dring aan op ʼn basiese salaris van R12 500.
Amplats, Implats en Lonmin het vroeër vandeesmaand onderskeidelik beginselooreenkomste met die vakbond bereik.
Amcu het daarna geskrewe reaksie met bykomende vereistes by elke maatskappy ingedien. Die maatskappye sê die bykomende eise kom neer op ongeveer ʼn ekstra R1 miljard gesamentlik.
Charmane Russell, woordvoerder vir die maatskappye, het Donderdag bevestig die bykomende eise sluit ʼn terugkeerbonus vir elke staker van R3 000 in, die terugtrek van kriminele klagte teen Amcu-lede wat tydens die staking in hegtenis geneem is en ʼn moratorium op afdankings.
Volgens die webwerf Platinum Wage Negotiations, wat deur die maatskappye opgerig is, kos die staking die werkgewers reeds meer as R23.6 miljard en die werknemers het reeds bykans R10.5 miljard in inkomste verloor.
Amcu was nie dadelik vir kommentaar beskikbaar nie. -SAPA
Kyk dit gebeur ook net in Suid Afrika!! Jy word beloon as jy staak, en die land se ekonomie in die gedrang bring en
Wonder wanneer gaan die Unie waaraan ek behoort my ook toelaat om te staak?
Ek werk al 24 jaar (vir dieselfde maatskappy) en vat net R5 000 ‘n maand huis toe NA aftrekkings?
Maar die Unie waaraan vanaf 1994 behoort het ons nog nooit toegelaat om te staak nie, want Banke mag nie staak nie.
Ek betaal hulle al 24 jaar, getrou elke maand, en hulle het nog nooit iets vir ons gedoen wat salarisse betref nie.