ANC aanvaar voorstelle van grondberaad

Ace Magashule (Foto: ANA)

Leiers van die ANC het ingestem dat grondonteiening sonder vergoeding moet voortgaan, soos voorgestel deur die party se grondberaad.

Daar is egter nog nie enige duidelikheid hoe dit sal plaasvind nie, het Ace Magashule, sekretaris-generaal van die ANC, Dinsdag gesê.

Tradisionele leiers sal ook gekonsulteer word tydens die proses, het Magashule aan verslaggewers gesê ná ‘n gewone vergadering van die nasionale uitvoerende komitee (NUK).

“Die NUK het ‘n omvattende benadering vir die parlementêre hersiening van artikel 25 van die Grondwet aanvaar, en daar sal dadelik ondersoek ingestel word om te bepaal of die Grondwet grondonteiening sonder vergoeding goedkeur. Indien artikel 25 nie grondonteiening sonder vergoeding goedkeur nie, sal die Grondwet gewysig word en ‘n onteieningswetsontwerp sal dadelik voorgehou word om duidelikheid te verskaf,” het hy gesê.

Die ANC se grondberaad het verlede week in Ekurhuleni plaasgevind en daar is besluit dat die tyd aangebreek het om die ANC se besluit oor grondhervorming, wat tydens die Desember-konferensie geneem is, te implementeer.

Die party het met kenners, nieregeringsorganisasies en diegene wat daagliks by landboubedrywighede betrokke is, vergader, om maniere te vind hoe grond op ‘n billike manier versprei kan word. Die uitslag van die grondberaad was slegs aanbevelings totdat die NUK dit goedgekeur het.

Afgevaardigdes het ook versoek dat uitsettings op plase dadelik gestaak moet word en dat die 22 000 plaasbewoners se grondeise geskik en titelaktes uitgereik moet word.

Magashule het gesê meer as 200 000 geskrewe insette is by die parlementêre hersieningskomitee ingedien voor die openbare verhore volgende maand terselfdertyd in Limpopo en die Noord-Kaap begin.

Die komitee moet in Augustus terugvoer gee oor die uitslag van die openbare verhore.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

31 Kommentare

jongste oudste gewildste
Boerseun

Tik, tok,tik,tok. Waarheen nou vir die liberale.

Boerseun

As jy dit nie teen nou besef nie, dan is daar nie lig nie. Die ANC het nie n uitkoms nie en is in n hoek, goed gaan gevat word of hulle n Houdini met die grontwet reg kry of nie. Vraag nou bly wie gaan sy goed beskerm en wie gaan hadloop.

snoefie

almal weet, daar is net een vereiste vir suksesvol boer. genoeg geld. dan kan jy maar uit n emmer ook boer. as die mense grond nie eers kan bekostig nie, hoe gaan hulle n boerdery kan bedryf?

marous

Leunaar . Hy weet goed hoe dit gaan plaasvind. Dis hoekom grondbesetters en diegene wat afbrand en plunder op waarskuwing vrygelaat word. Vat maar my grond maar daar sal niks op wees om eers ‘n rot te huisves of te voed nie.

Ronel

Nes kinders. Verander die reëls van die spel om jou te pad…soos die game aangaan.