ANC-hoë langs sy vrou in bed doodgeskiet

ANC-se-vlag-deur-ANA

ANC Foto: ANA.

Die ANC in KwaZulu-Natal het sy skok en woede uitgespreek ná die moord op sy verkiesingskoördineerder in dié provinsie.

Sihle Zikalala, die ANC se tydelike provinsiale komitee koördineerder, het Saterdag gesê Nqobiswe Mkhize (42) is vroeg Saterdagoggend by sy huis in Imfume saam met twee lede van die gemeenskap doodgeskiet.

“Terwyl die aanvallers van die toneel gevlug het, het hul nog skote afgevuur en nog twee mense doodgeskiet. Dit is hartseer dat nóg ʼn donker wolk van gruwelike moord oor ons provinsie hang,” het Zikalala gesê.

Die besonderhede rondom die moord op Mkhize is steeds onduidelik, maar dit kom volgens Zikalala voor dat hy by sy huis aangeval is en langs sy vrou in die bed doodgeskiet is.

Die aanvallers het glo sy vrou opdrag gegee om “haarself te bedek” en het losgebrand op Mkhize.

Zikalala het gesê dié moord laat ʼn reusegaping in die ANC se struktuur en die demokratiese beweging in die geheel.

“Hy was ʼn revolusionêre man wat die gemeenskap met toewyding gedien het.”

Die ANC sien dié moord as ʼn poging om die ANC te verswak.

“Ons sal sy spies optel en voort mars in die stryd om die verbetering van ons mense se lewens,” het Zikalala gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Se maar net

So voel ons oor die plaasmoorde!

Johan. H.

Ons is ook baie geskok en kwaad oor die moorde op ons boere..

Mikkie

Ek stem saam. Daar word glad nie meer op TV od SABC van die wreede moorde op ons land se onskuldige boere genoem of gelees nie.

Eish

Die magshonger verteer die organisasie van binne af.
Mag die Hemelse Vader ons genadig wees om om onder so n regering te probeer bestaan.

jaco

doen hulle dit dan met mekaar ook?