ANC tree in bresse vir Dlamini-Zuma

cyril-en-nkosazana-deur-ANA

Pres. Cyril Ramaphosa en die minister van samewerkende regering, Nkosazana Dlamini-Zuma. (Foto: ANA)

Die ANC sê die “voortgesette aanvalle” op die minister van samewerkende regering en tradisionele sake moet gestaak word en Suid-Afrikaners moet hul steun vir die “gesamentlike besluite” van die kabinet en die nasionale koronavirus-bevelsraad gee.

Minister Nkosazana Dlamini-Zuma is verantwoordelik vir die koördinering van die land se pogings om ingevolge die Wet op Rampbestuur die verspreiding van Covid-19 te bekamp en was die afgelope ruk onder skoot vir verskeie van die regering se omstrede afkondigings.

Daar was veral talle vrae nadat pres. Cyril Ramaphosa in ʼn toespraak gesê het die verkoop van sigarette gaan op koronavirus-vlak 4 toegelaat word. Dae later het Dlamini-Zuma egter die afkondiging gedoen dat dit nié die geval gaan wees nie.

Pule Mabe, ANC-woordvoerder, sê Dlamini-Zuma voer haar pligte uit ná besprekings deur die kabinet en die bevelsraad onder voorsitterskap van pres. Cyril Ramaphosa.

“Die besprekings is veronderstel om vertroulik te wees totdat die finale besluite van die kollektief afkondig word. Daar moet altyd onthou word dat die besluite van die kabinet en die bevelsraad gesamentlik geneem word en nooit geïndividualiseer moet word nie,” het hy gesê.

Mabe sê dit is onaanvaarbaar dat sommige in “diens van sekere ondernemings” ʼn wig tussen mense probeer indryf.

“Hulle loods kwaadwillige aanvalle en ondermyn ons leiers.

“Dit is in die besonder duidelik wat betref die voorgestelde voortgesette verbod op die verkoop van sigarette, tabakverwante produkte en alkohol. Diegene wat dit doen wys minagting vir die gesondheid van ons burgers en lyk of hulle net in wins belangstel,” het Mabe gesê.

Maroela Media het vroeër berig volgens ʼn betroubare bron was Dlamini-Zuma tydens die jongste ronde besprekings oor die regulasies vir vlak 3 steeds gekant teen die verkoop van tabakprodukte. Dít terwyl daar glo talle ander lede van onder meer die bevelsraad is wat ten gunste daarvan is.

ʼn Hofsaak om die regering se besluit oor die verbod op tabakverkopete betwis is reeds aan die gang.

Die ANC sê egter hy verwelkom die manier waarop die kabinet en die bevelsraad onder Ramaphosa hul pligte uitvoer. “Ons steun die besluite wat hulle geneem het ten volle.

“Ons doen ʼn beroep op diegene wat die kabinet en die bevelsraad – en die besluite wat hulle neem – probeer ondermyn om hul selfsugtige en onpatriotiese gedrag te staak.”

Ramaphosa spreek Suid-Afrika Sondag om 19:00 toe om die land op die hoogte te bring van die jongste verwikkelinge in die strategie om die verspreiding van die nuwe virussiekte te pak.

Daar is groot afwagting dat hy ʼn aankondiging oor Suid-Afrika se afwenteling na inperkingsvlak 3 gaan doen.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

84 Kommentare

jongste oudste gewildste
Alleen Wolf

Sjoe, wat nog van die klomp brein dooies?

Sarel

Gesamentlik tussen Bevelsraad en Kabinet??? Wie is hierdie geheime Bevelsraad? Wie regeer die land die Kabinet of die sg. Bevelsraad. In Magashule derl van die Bevelsraad. Hoekom vertel hulle nie vir ons wie is hierdie Bevelsraad nie. Hoekom get Zuma meer seggenskap as Ramaphosa

Willem

Die paul nar noem hul leiers en ons minag hulle ha ha beste grap ooit

Sharnelle

Wat het sigarette enigsins uit te waai met COVID-19? Ek is glad nie n roker nie, maar ek staan op vir die wat wel rokers is. Selle met wegneem etes, ons mag nie self ons wegneem etes gaan afhaal nie, maar oms moet n meter nee dis nou 1.5m van mekaar af wegstaan. Maar binne winkels loop ons minder as n meter verbymekaar. Selle met Takealot, ons kan online bestel, en hul kom lewer by jou huis af, maar aanvaar nie Cash on delivery nie…..rerig nou, niks maak sin met julle reels en besluite nie.

Johan

Natuurlik sal ANC haar steun…. Cyril, Pravin en Tito alleen in hul kamp