Suid-Afrika se Kevin Anderson het sy eerste wedstryd van die seisoen gewen toe hy die VSA se Sam Querrey in die Dallas-ope geklop het.
Die eindtelling was 6-4 en 6-4 in Anderson se guns en hy het in die proses 21 kishoue afgevuur.
“Hoewel ek in twee stelle gewen het, was dit eintlik baie nader as wat die eindtelling ’n mens laat glo. Ek dink Sam kon maklik ’n valbytpot of twee afgedwing het, maar ek is terselfdertyd trots op my vertoning,” het Anderson gesê.
Die Suid-Afrikaner het nou al nege van sy 17 wedstryde teen Querrey gewen. Hy sal in die volgende ronde teen John Isner te staan kom.
Die beseringsgeteisterde Anderson is tans 101ste op die ATP-wêreldranglys, maar hy was in sy fleur onder die toptienspelers ter wêreld.
In 2018 het hy onder meer vir Roger Federer op skouspelagtige wyse op Wimbledon uitgeskakel.
Anderson was in daardie wedstryd met twee stelle agter, maar het verbete terugbaklei om die kragmeting met 2-6, 6-7,7-5, 6-4 en 13-11 te wen.
Jongste ATP-ranglys:
- Novak Djokovic
- Daniil Medvedev
- Alexander Zverev
- Stefanos Tsitsipas
- Rafael Nadal
- Matteo Berrettini
- Andrey Rublev
- Casper Ruud
- Felix Auger-Aliassime
- Jannik Sinner
Ander spelers van belang: Roger Federer (30ste), Lloyd Harris (35ste), Dominic Thiem (39ste) en Kevin Anderson (101ste).
Anderson Just one thing,don’t count your chickens behore they hatch.
Trots Suid – Afrikaans.