Baaise vrou sit lank vir reusebedrog

Lindy Sharp het R4 miljoen by haar werkgewer gesteel.

ʼn Vrou van Port Elizabeth is 13 jaar effektiewe tronkstraf in die stad se handelshof opgelê vir bedrog van nagenoeg R4 miljoen.

Lindy Johanna Sharp (45) het van 2013 tot 2017 as boekhouer by ʼn Baaise elektronikamaatskappy gewerk. In dié tyd, sê kapt. Anelisa Feni, Oos-Kaapse Valke-woordvoerder, het Sharp krediteure se bankbesonderhede na haar eie verander.

“Sy het toe begin om geld uit die maatskappy se rekening na haar eie bankrekening oor te betaal,” sê Feni. “Voorts het sy haarself ʼn stewige salaris en vet bonus betaal, sonder goedkeuring van die maatskappy se direkteur.”

Eindelik het die maatskappy altesaam sowat R4 miljoen weens haar skelmstreke verloor.

Feni vertel die Valke het Sharp, wat op 5 Mei verlede jaar 45 geword het, in November 2017 in hegtenis geneem, maar die saak is eindelik eers Vrydag afgehandel.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Alida

Hoekom dink die skelms altyd hulle gaan wegkom daarmee. Kry vir jou.

Wouter

En so loop al die kaders nog rond wat biljoene gesteel het.

Joe Olivier

Dit was nou nie baie skerp van haar om dit te doen nie.

Cherokee

Dit klink asof sy net sou voortgaan om te pluk sonder en kommer dat sy vasgetrap sal word. Iets skort want enige een met logiese denke sou weet dat nie net kon aanhou sonder om uitgevang te word, nie.

Wurmpie

En die staats amptenare wat so baie gesteel het? Hoe lank voor hul so lank sit