Basson kry hofbevel oor verhoor

Wouter Basson. Foto: Werner Beukes/Sapa

Wouter Basson. Foto: Werner Beukes/Sapa

Regsverteenwoordigers vir dr. Wouter Basson het ʼn hofinterdik bekom om meer inligting te kry oor die tugverhoor wat sy optrede ondersoek.

“Ons het laatmiddag [Maandag] die interdik ontvang. Die komitee sal Dinsdag vergader en besluit oor die pad vorentoe,” het Charmaine Motloung, woordvoerder van die Raad op Gesondheidsberoepe (RGB), gesê.

Die RGB se komitee oor professionele gedrag sal Dinsdag agter geslote deure vergader om die aansoek by die hooggeregshof te bespreek.

“Ons gaan die hooggeregshof vanoggend nader ten einde jou te dwing om die verhoor van die nodige inligting te voorsien,” het Jaap Cilliers, Basson se regsverteenwoordiger, Maandag gesê voor hy en Basson uit die sitting gestap het.

“Uit die bewyse wat ons het, is dit duidelik dat jy ʼn lid is van een van die organisasies wat ‘n petisie ondersteun het vir die verwydering van dr. Basson se naam van die register van mediese praktisyns,” het Cilliers aan prof. Jannie Hugo, die voorsitter, gesê.

Cilliers het gesê die verdediging sal die hooggeregshof nader met bewyse van hul bewerings en die hof vra om uitspraak te gee oor die stand van die verhoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

8 Kommentare

mariette ·

Dr Wouter is een van die briljantste chirurge in ons land. Hierdie heksejag moet nou ophou.

Delia ·

mariette, stem so, so baie saam met jou……wonder of hulle rustig slaap saans?

John Smith ·

Weereens is hierdie ñ bewys dat die blanke Suid Afrikaner nie die son oor sy mede broer of suster kan sien skyn nie. Dr Basson is ñ briljante medikus en geniet hoë aansien in SA agv sy menslikheid en briljantheid. Los die heksejagtery.

Swannie ·

Gaan Wouter Basson maar net as ‘n volgende Eugene de Kok ge-offer word? Waar is die F.W. De Klerk, Pik Botha, Magnus Malan en kie? Ek vra maar net!!

pc fourie ·

hoekom kom die ondersteuners van die dokter nie sterk na vore nie of is ons maar soos gewoonlik te slapruggig daarvoor?

Fanie ·

Ek verstaan nie. Dr Basson is reeds in die Hooggeregshof, die Appélhof én die Grondwetlike Hof onskuldig bevind. Aanvaar die Mediese Raad nie hierdie uitsprake? AfriForum is reeds besig met die saak, en het reeds klagtes gelê teen leiers vd Mediese Raad wat vroeër aan bomaanvalle skuldig bevind is.

Anton Smit ·

Dit wil blyk dat daar persone in die mediese beroep is wat ook toe oe agter ons huidige dom regering aan hardloop

Neptunus ·

Hierdie aksie teen Dr Basson wys maar net daar is sommige mense wat daarop uit is om hom en/of sy loopbaan te kelder. Hy kon lankal opgeraap gewees het om oorsee te gaan werk as ‘n chirurg of om voort te bou op sy vroeë navorsing, maar nee, hy het verkies om te bly en mense tot diens te wees. Bly dat hy een van ons topadvokate aan sy sy het, hy het pas hierdie klomp b.p.v. betrap. Selfde man wie die Transnet-pensioenarisse pro bono verteenwoordig: adv. Jaap Cilliers, ek salueer u.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.