Erik Holm en Colleen Jury-Zeffert is verloof. (Foto: Facebook/Erik Holm)
Erik Holm, die akteur bekend om sy rol as Rian Malherbe in die kykNET-sepie Binnelanders, is ʼn verloofde man.
Colleen Jury-Zeffert, ʼn kunstenaar van Hartebeespoort met wie die akteur al vir vier jaar in ʼn verhouding is, het op sosiale media gedeel dat sy die ja-woord gegee het tydens ʼn vakansie op Zanzibar.
“My hartlam … Ek het gevra, sy het gesê ja! Kan nie wag om jou te ‘trouvrou’ nie!” het Erik op Facebook geskryf.
Colleen spog in een van die foto’s saam met die plasing met ʼn unieke ring met groen stene aan haar ringvinger.
Erik vertolk sedert 2008 die rol van Rian Malherbe in Binnelanders.
Colleen spog met ‘n verloofring met groen stene. (Foto: Facebook/Erik Holm)
Baie geluk en vreugde, wees geseënd – besonderse ring……………mooiiiiiiiiiiiiiiiiiiiiiii