BLF-adjunk ‘was gʼn besope nie’

Zanele Lwana, adjunkpresident van BLF. Foto: Facebook

Black First Land First (BLF) sê hy is teleurgesteld dat ʼn saak teen die vermeende aanrander van die beweging se adjunkpresident eers aanhangig gemaak is nadat BLF druk op die polisie moes uitoefen.

“Polisiebeamptes in die Orlando-polisiestasie het gisteraand ʼn saak geopen teen die aanvaller van Black First Land First se adjunkpresident, kameraad Zanele Lwana,” het BLF Sondag in ʼn verklaring gesê.

Die beweging is van plan om by die Onafhanklike Polisie‑ondersoekdirektoraat te kla oor die moeite wat Lwana ervaar het om ʼn klag in te dien. “Die polisie se optrede is nie bevorderlik vir die stryd teen misdaad of om die gemeenskap te dien nie.

“As druk op die polisie uitgeoefen moet word om op te tree in die saak van ʼn vooraanstaande leier [sic], hoeveel te meer in die geval van ʼn gewone burger?”

Kapt. Kay Makhubela, Gautengse polisiewoordvoerder, het egter vroeër aan News24 gesê toe beamptes op die toneel aankom, was die drie vroue wat hulle ontbied het, onder die invloed van drank.

Hulle kan gerus kom kla wanneer hulle nugter is.

“As gevolg hiervan kon hulle nie verklarings aflê nie. Hulle kan dit gerus [noudat hulle nugter is] kom doen,” het hy Saterdag gesê.

Lindsay Maasdorp, BLF-woordvoerder, het dit ten sterkste ontken dat Lwala en die ander vroue in die woonstel beskonke was.

Maasdorp het vroeër gesê ʼn onbekende man het Saterdagoggend omstreeks 02:00 toegang tot Lwana se woonstel in Soweto verkry en haar te lyf gegaan. “Mede-kamerade het wakker geskrik van die worsteling toe Lwana terugbaklei het, waarna die inbreker op die vlug geslaan het met twee selfone, onder meer die adjunkpresident sʼn.”

Maasdorp het aangevoer die inbreker het Lwana probeer wurg. Haar nek is beseer en sy het kneusplekke aan haar arms opgedoen.

BLF glo dit was nie ʼn lukrake misdaad nie.

“BLF glo dit was nie ʼn lukrake misdaad nie,” het Maasdorp Saterdag gesê, “maar ʼn polities gemotiveerde daad om die adjunkpresident te probeer intimideer in die hoop dat sy te bang sal wees om getuienis te lewer voor die Zondo-kommissie van ondersoek na staatskaping.”

Lwana sal na verwagting op 12 Februarie voor die kommissie getuig. “Wat jammer is, is dat die polisie na die toneel ontbied is,” sê Maasdorp, “maar heeltemal onbehulpsaam was en geweier het om ʼn saak te open.”

BLF het onderneem om die kommissie in te lig van “dié poging om die adjunkpresidente en ons beweging te intimideer”. Die organisasie waarsku almal wat geïmpliseer word in korrupsie “om terug te tree, want niks sal verhoed dat die BLF getuienis voor regter Zondo lewer nie”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

41 Kommentare

Paul ·

Die sinoniem vir beskonke is, geblaas, gerook, dronk, bedwelmd, besope. Wie ken nog?

Maggie ·

Almal sukkel om sake aan te meld by alle polisiestasies agv onbevoegtheid, hoekom moet sy voorkeur kry.

Cherokee ·

Probeer ‘n nuwe en dit mag dalk ‘n slagspreuk wees totdat dit ook uitgedien is.

Helen ·

Seker nie anders het die geskree en geweld om vergelding nou al Hemel hoog uitbasuin. Die komrade is niks meer spesiaal as enige ander onskuldige burger in die land nie.

Felix ·

Sal die vrouens, nou dat hulle nugter is, die insident kan onthou? Dalk gaan hulle in alle geval ‘n verklaring aflê … skuus … maak.

Johanna Botha ·

Ag vader what next …al so moeg vir die mense wat niks kan of wil opbou nie …sy het seker besope voorgekom …dis normaal ….HALLOO !

Chris ·

Deesdae is daar mos nie vroulike vorms nie, als is manlik, soos bestuurder, nie bestuurderes nie, vriend, nie vriendin nie, rekenmaaster, nie rekenmeesteres nie, ens …

@Chris ·

Rekenmaaster? Ai, taalpuris kry toe self ‘n hobbeltjie en struikel…

Ha ha ·

Sy staan voor in die dronk koor. Staan voor as daar gesuip word. Dan is sy seker voorstaande nie vooraanstaande? Ek het nuus vir die klompie – OPOD het geen wetlike mandaat om pligsversuim teen SAPD lede te ondersoek nie. Dis ‘n interne SAPD aangeleentheid. Wys jou hoe ver die regskennis strek …

Snowball ·

Ek het nou lekker gelag vir die “vooraanstaande leier” as ‘n beskrywing van iets uit die BLF geledere. Groot indruk wat hulle van hulleself het, maar is hulle so gekletter die polisie sien nie eers vir hulle kans nie. Bwhahaha.

Kwagga ·

Hoekom maar HOEKOM geniet hierdie mense soveel publisiteit? Ek het dit nie eers klaar gelees nie, want daars seer sekerlik beter nuus om te rapporteer as die uiterse snert.

M ·

Is dit nie sy wat op Lauren Southern se dokumenter “farmlands” gese het dat hulle alle witmense land uit wil jaag en of vermoor nie …

Vonkprop ·

Vooraanstaande leier LOL!!! Grap van die dag. Nog nooit eers van haar gehoor nie so sy kan seker nie so belangrik wees nie, maar ons praat ook nou van die BLF en tot ‘n verfblik is vir hulle vooraanstaande.

Pastoor ·

Sover my kennisstrek moet jy n seat in die parlement hê so waar kom hierdie status wat sy het vandaan

Lekker lag ·

@Chris: “maaster” werk jy maar aan jou spelling voor jy ander taalreels wil leer.

Docpietza ·

“Vooraanstaande” haha hie hie hoho.
Nee kyk daar word vir seker gehallusineer. HELP tog asb.

Cornelia ·

Paul en Chris, dit is nou ‘n lekker lysie die. Nog ‘n uitdrukking is “hoenderkop.” Twee idiome: “hoog in die takke wees” en “diep in die bottel gekyk.” Ook al die uitdrukking gehoor: “Wingerdgriep.”

Onder die prop ·

Onder die prop; die mannetjie met die kurkhoedjie gesoen. Nee, wingerdgriep is babalas

Ellisras ·

Ek het duidelik 3 wit mans gesien wat haar gewurg het(dit is nou as iemand my sal betaal om te lieg) Hoe meer ek betaal word hoe meer sal ek lieg.

Hanna Hoekom ·

Dring aan op n huis ook! Dalk vernoem hulle n straat na jou…

Justice ·

Die BLF is nou so onsteld hulle emigreer sommer almal Zimbabwe toe waar die plase goedkoper as petrol is.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.