Foto bloot ter illustrasie. (Argieffoto: Bill Oxford/Unsplash)
’n Saak van aanranding met die doel om ernstig te beseer is aanhangig gemaak nadat ’n vermeende dief ’n 37-jarige polisiebeampte van Bothaville, Vrystaat, aan albei middelvingers gebyt het om inhegtenisneming teen te staan.
Volgens kapt. Stephen Thakeng, polisiewoordvoerder, is die betrokke beampte sedert Sondag met siekteverlof. Hy het ’n saak van aanranding met die doel om ernstig te beseer geopen.
Die verdagte, Tshepang Ramontso (23), het Maandag in die landdroshof in Bothaville verskyn op aanklagte van die aanranding van ’n polisiebeampte, die teenstaan van ’n inhegtenisneming en diefstal.
Hy het Woensdag weer in die hof verskyn en is op waarskuwing vrygelaat.
Volgens Thakeng is Ramontso op heterdaad betrap terwyl hy stoele by ’n skool op die dorp gebreek en dit oor die heining gegooi het.
Hy was na bewering aggressief toe die polisie op die toneel aankom en hom wou boei.
Hoe de….. vry op waarskuwing.????