Brits-man tydens padwoede-voorval vermoor

Argieffoto: Kent Williamson

Argieffoto: Kent Williamson

ʼn Man is Vrydagmiddag in ʼn voorval van padwoede in Brits in Noordwes deur ʼn ander motorbestuurder met ʼn mes voor sy 11-jarige dogter doodgesteek.

Ao. Mpeile Talane, woordvoerder van die polisie, sê volgens ooggetuies het twee mans in ʼn struweling betrokke geraak ná een motor by die Alfa-aansluiting voor ʼn ander een ingedraai en albei mans van die pad afgetrek het.

Die mans het glo op mekaar gegil terwyl die een man, wat intussen as Morné Kuhn geïdentifiseer is, se 11-jarige dogter in die motor gesit het.

Kuhn is deur die ander man, vermoedelik ʼn taxibestuurder, met ʼn skerp voorwerp in die bors gesteek. Hy is minute later oorlede.

Talane sê die man se dogter was histeries en is steeds geweldig geskok.

Volgens ʼn verbyganger wat eerste op die toneel was, Cobus van Staden, het Kuhn se dogter histeries op en af in die pad gehardloop op soek na hulp.

“Sy het geskree: ‘Oom, help asseblief!’, maar toe ek aan sy pols voel, kon ek voel hoe raak die polsslag al flouer. Ek het haar in die oë gekyk en sy het weer geskree: ‘Lewe hy nog?’, maar hy het nie. Ek het in my lewe nog nooit ʼn kind so sien skreeu nie,” het hy gesê.

Die ander man is intussen in hegtenis geneem en verskyn Maandag (13 Maart) in die Brits-landdroshof op aanklag van moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

75 Kommentare

jongste oudste gewildste
Jaco Breytenbach

Kan enige twee mense so onverantwoordelik en onvolwasse wees om oor so ‘n kleinigheid soveel ellende te veroorsaak?

Ria Carpenter

Is dit nou die einde van die verhaal? Was dit nou net ‘n geval van padwoede en klaar? Want as die mes in die ander hand was, sou ons weke lank gehoor het van die rassisme. Daar sou getoitoi word voor die hof. Hete kole sou oor die moordenaarder se kop gegooi word. Baie medelye met die familie van Morné Kuhn.

Justine

Kom ons kyk of hy borg kry of nie. Hy het gemoor uit woede. Wit mans hulself of hul gesin beskerm skiet ‘n dief, vermoedelike moordenaar of ongemagtige persoon op ‘n perseel en hulle word uitgemaak as rassiste en moordenaars.

Hanna

Hier gaan niks v kom nie, die oortreder gaan net die ras-kaart speel en reken hy is “name” genoem. En siedaar! My medelye aan die oorledene se familie.

Afrikaanse Knaap

Ek was al so kwaad vir ‘n taxi bestuurder dat ek uit my kar wou klim. Hulle het absoluut geen respek vir jou nie.

Na hierdie artikel sal ek egter hopelik 2 keer dink, maar mens word so kwaad dat alle logiese denke jou verlaat.

Hoekom kom taxi bestuurders met alles weg?