Chaos bars los in Oos-Kaap oor dienslewering, HOP-huise

Foto: Verskaf deur SAPD.

Chaos het vandeesweek in die Oos-Kaap losgebars toe gemeenskapslede van Fynbos en Egoli Buffalo Flats begin het om gewelddadig te betoog oor dienslewering en die toekenning van HOP-huise. Hulle beweer dié proses vind onregmatig plaas.

AO Hazel Mqala, woordvoerder van die polisie, het gesê hulle het buitebande gebrand op Blackweg op pad na die stad asook klippe na die voertuie geslinger.

Die polisie moes teen Vrydagmiddag skokgranate en rubberkoeëls gebruik om die skares uiteen te jaag.

Ses mense is in hegtenis geneem in verband met die Wet op Openbare Geweld.

“Desondanks hou hulle steeds aan om bande en ander voorwerpe te brand op vier verskillende plekke in die omgewing. Alle paaie van Blackweg af wat lei na die Buffalo Flats-omgewing is toe vir verkeer weens die betoging,” het Mqala gesê.

Die burgemeester van Buffalo City, Xola Pakati, het die gemeenskapslede glo Donderdag toegespreek, maar dit het hulle nie tevrede gestel nie.

Die betogings duur voort.

Foto: Verskaf deur SAPD.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Casper Labuschagne

Is dit nie opmerklik dat dit lyk asof sulke opstande in die laaste tyd nie voorkom waar die ANC self in beheer is nie, behalwe in die Noordwes provinsie waar dit grootliks afgeskaal het nadat die ANC hul afvallige premier uitgeskop het.

Ons vir jou

Ons vir jou SA . . .

KP

Casper jy is 100% reg dit gaan netso hier in Kaapstad.

Ons self gebou

Ons het dan ons eie huise gebou toe ons ook nog arm was. Hoekom kan hulle nie, wat is fout met hulle?

Wilma

My ma heti lopende water of krag in haar huis gehad tot haar dood in 2008 ni. Syt nie gedink sy moet afbrand om dit te kry ni. Sy was tevrede met hu sy geleef het. Was gelukkig. Nooit gedink ander skuld ha iets ni