Clive Derby-Lewis dan begrawe

Clive Derby-Lewis

Clive Derby-Lewis

Clive Derby-Lewis word vandeesweek begrawe nadat hy verlede week in die ouderdom van 80 oorlede is.

Gaye Derby-Lewis, sy vrou, het gesê die diens en begrafnis sal egter net vir familie en nabye vriende wees en lede van die media en publiek kan dit ongelukkig nie bywoon nie. Maroela Media het wel verneem die begrafnis vind Woensdag in Pretoria plaas.

Derby-Lewis is Donderdagmiddag in die Eugene Marais-hospitaal oorlede. Volgens Gaye is Clive verlede maand geopereer om vog van sy longe te verwyder. Hy is in 2014 met longkanker gediagnoseer. “Hy het sedertdien agteruitgegaan.”

Gay het gesê hy Derby-Lewis is verlede week weer in die hospitaal opgeneem toe hy gesukkel het om asem te haal. “Die dokters het vir my gesê hy gaan nie weer huis toe kom nie.”

Derby-Lewis is in Junie verlede jaar op mediese parool vrygelaat, nadat dokters bevind het hy is terminaal siek en het reeds fase 4-kanker. Die minister van justisie en korrektiewe dienste, Michael Masutha, het Derby-Lewis se aansoek om parool verskeie kere geweier. Derby-Lewis het toe ʼn dringende aansoek gebring dat die minister se besluit ter syde gestel moet word.

Derby-Lewis het lewenslange tronkstraf uitgedien vir sy aandeel in die moord op die destydse SAKP-leier, Chris Hani, in April 1993.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Asjas

Julle het al klaar te veel inligting beskikbaar gemaak. Hierdie ander lot sal nie die geleentheid laat verbygaan om ‘n optog te hou nie.

Magda

Julle moes eintlik gese het hy word in Botswana of Namibie begrawe.

Ano

Ons is in gees saam met julle. Dis net jammer dat net ordentlike mense julle versoek gaan respekteer.
“Free at last” – RIV Clive

GJ de C K

Wat ‘n voorreg om geseënd te kon wees met leiers soos Clive Derby-Lewis! ‘n Man wat sy “geld gesit het waar sy mond was”.

‘n Lewende voorbeeld van Christen wees, ongeag die prys.

Altyd nederig en respekvol, dog onbuigbaar in verdediging van sy volk, vaderland en geregtigheid. Getrou aan Jesus Christus, in verdrukking, vervolging en selfs dood.

A schollar, an officer, and a gentleman! A true Christian!

Requiescat In Pace. Tot ons weer ontmoet.

Lizaan

‘N Optog hou omdat die persoon oorlede is dalk?