Covid-19-statistieke: Meer as 20 nuwe sterftes aangeteken

Grafika: Elsabe Erasmus.

Die departement van gesondheid het sedert Maandag 26 nuwe Covid-19-sterftes in Suid-Afrika aangeteken. Dit is die meeste sterftes wat nog in 24 uur aangeteken is, hoewel dit nie beteken dat al dié mense die afgelope 24 uur oorlede is nie.

Luidens statistieke wat Dinsdagaand deur die departement van gesondheid bekendgestel is, het die getal Covid-19-gevalle sedert Maandag met 767 toegeneem en het die totaal gestyg tot 17 200. Dit is ʼn styging van 4,6% in die aantal gevalle die afgelope 24 uur.

In totaal is 312 mense sedert Maart in Suid-Afrika aan Covid-19 dood. Die Noord-Kaap het ook Dinsdag sy eerste sterfte aangeteken. Mpumalanga is volgens die departement se syfers die enigste provinsie wat nog nie ʼn Covid-19- verwante sterfte aangemeld het nie.

Garfika: Elsabe Erasmus.

Die getal mense wat van Covid-19 herstel het sedert die uitbreking van die virus in Maart kom te staan op 7 960.

Volgens die departement se syfers is meer mans (55,5%) tot op hede in Suid-Afrika aan Covid-19 dood as vroue (44,5%). Niemand jonger as 20 het al hier weens die virus gesterf nie, terwyl 61 mense (19,5) tussen die ouderdom van 20 en 50 weens die virus dood is. Die meeste mense in Suid-Afrika wat gesterf het weens die virus is tussen 50 en 80 jaar oud (68,6%).

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

Garfika: Elsabe Erasmus.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Adam

Die Engelse spreekwoord, “lies, damn lies and statistics” bly maar ‘n groot waarheid. Daar is weinig betroubare inligting oor wat die Covid-pad vir ons inhou en die meeste wetenskaplike modelle is reeds verkeerd bewys. Wat ons egter met sekerheid kan aanvaar is dat groot ellende vir ons in SA wag, beide met betrekking tot lewensverlies asook die ekonomiese impak wat oor etlike dekades gevoel sal word,

Pietertjie

As 1 miljoen mense in SA teen Augustus hierdie virus opdoen, is dit minder as 2% van die bevolking. Vergelyk dit met gewone griep se 10% …

Frikkels

Die syfers word drasties aangepas in aanloop tot verslapping van die noodmaatreels. Dis heeltemal duidelik dat die regering hierdie holrug geryde virus nog verder wil misbruik om hulle ideologieë te verstewig. Dit sal beter wees as hulle ophou leuns versprei en die tirannie laat vaar. Waar ek woon, gaan mense darem nog dood aan hartaanvalle en kanker, nie covid 19 nie!

Emily

Kan die mense net ophou vir ons lieg. Hoeveel mense het nou al aan ander siektes gesterf, Maar die dood sertifikaart se dis Covid19.
Regtig ons bly in n siek land met n nog sieker regering.

capie

Die statistiek oor provinsies het skielik opgedroog. Is dit oordat hulle redigering van die statistiek so ooglopend was. Die Weskaap is nie onder hulle beheer nie en daarvoor sal hulle die Weskaap straf en die ekonomie in die Weskaap breek deur die Weskaap met hul verwronge syfers terug te hou in hul fase verligting.