(Argieffoto: Unsplash)
Altesame 1 538 nuwe Covid-19-gevalle is in Suid-Afrika aangemeld.
Volgens die Nasionale Instituut vir Oordraagbare Siektes (Nios) is ’n totaal van 3 725 177 bevestigde Covid-19-gevalle al in die land aangemeld en is die jongste positiwiteitskoers 6,2%.
Die meeste nuwe gevalle is in Gauteng (39%) aangemeld, gevolg deur KwaZulu-Natal (24%) en die Wes-Kaap (23%). Die totale aktiewe gevalle is 11 422.
Die sterftesyfer weens Covid-19 staan nou op 100 067 nadat nog 15 sterftes aangemeld is, waarvan sewe sterftes in die afgelope 24 tot 48 uur plaasgevind het. Die departement van gesondheid het gesê weens ’n voortgesette oudit kan daar ’n agterstand wees in die aantal sterftes wat aangemeld is.
Tot dusver het 3 613 688 mense reeds van die virus herstel, ’n herstelkoers van 97%.
Suid-Afrika het tot dusver 23 947 309 toetse vir Covid-19 gedoen, 24 914 sedert die vorige verslag.
Volgens Nios was daar in die afgelope 24 uur 34 hospitaalopnames. Daar is tans altesaam 2 163 mense wat in hospitale vir Covid-19 behandel word.
Meer as 33,9 miljoen inentings is tot dusver gedoen.
Provinsiale statistieke:
| Provinsie | Nuwe gevalle | Aktiewe gevalle |
| Oos-Kaap | 90 | 622 |
| Vrystaat | 35 | 1 327 |
| Gauteng | 597 | 4 749 |
| KwaZulu-Natal | 368 | 3 165 |
| Limpopo | 20 | 97 |
| Mpumalanga | 43 | 386 |
| Noordwes | 30 | 589 |
| Noord-Kaap | 7 | 155 |
| Wes-Kaap | 348 | 332 |
| Totaal | 1 538 | 11 422 |
Sterftes en persone wat herstel het:
| Provinsie | Sterftes | Herstel |
| Oos-Kaap | 16 591 | 328 233 |
| Vrystaat | 7 654 | 193 578 |
| Gauteng | 20 663 | 1 186 373 |
| KwaZulu-Natal | 16 051 | 642 577 |
| Limpopo | 4 586 | 151 221 |
| Mpumalanga | 4 705 | 188 344 |
| Noordwes | 4 721 | 187 857 |
| Noord-Kaap | 3 218 | 105 596 |
| Wes-Kaap | 21 878 | 629 909 |
| Totaal | 100 067 | 3 613 688 |
Nogsteeds verstaan ek nie die Wes-Kaap syfers, elke keer is die nuwe gevalle meer as die aktiewe gevalle???????????
Gister se nuwe gevalle is vandag se aktiewe gevalle.
Haha na amper ‘n jaar stem ek saam met iets wat Nommer7 skryf!
Persoonlik dink ek SA is te haastig met die verslapping van die voorsorgmaatreels… As daar voorspel word dat volgende vlaag ons in Mei gaan tref, behoort daar eerder strenger vlakke toegepas word nou al maar geld en die April vakansie is die dryfveer… Mense druk hul koppe in die sand soos volstruise en dink dat die 5de vlaag ons nie gaan tref nie.
Cathy, u is reg. Party mense maak hul oe toe, en redeneer dan dat die wereld nie bestaan nie.