Altesaam 1 551 501 mense in Suid-Afrika het nou reeds Covid-19 opgedoen nadat nog 777 pasiënte in die laaste siklus van 24 uur positief getoets het.
Die land het tans 21 942 aktiewe Covid-19-gevalle.
Dr. Zweli Mkhize, minister van gesondheid, het Saterdagaand in sy gebruiklike verklaring gesê nog agt sterftes is intussen aangemeld. Dié nuwe sterftes is onderskeidelik in die Vrystaat (3), Gauteng (1), KwaZulu-Natal (2), die Noord-Kaap (1) en die Wes-Kaap (1) aangemeld.
Dít bring die land se dodetal op 52 954 te staan.
Volgens Mkhize het 1 476 605 pasiënte in Suid-Afrika egter reeds van die koronavirus herstel, met ʼn herstelkoers van 95%.
Nog 16 391 toetse is intussen uitgevoer. Die land het nou reeds 9 956 086 toetse sedert die uitbreking van die virus gedoen. Die meeste van die toetse is in die privaatsektor uitgevoer.
Provinsie | Sterftes | Herstel | Aktiewe gevalle |
Oos-Kaap | 11 363 | 183 911 | 219 |
Vrystaat | 3 654 | 78 264 | 1 701 |
Gauteng | 10 348 | 402 235 | 2 683 |
KwaZulu-Natal | 10 226 | 318 503 | 5 716 |
Limpopo | 2 241 | 60 679 | 336 |
Mpumalanga | 1 348 | 72 937 | 1 125 |
Noordwes | 1 478 | 60 679 | 2 219 |
Noord-Kaap | 825 | 32 934 | 2 807 |
Wes-Kaap | 11 471 | 266 715 | 5 136 |
Totaal | 52 954 | 1 476 605 | 21 942 |
Dis verstommend dat die statistiek nie die realiteit reflekteer nie. In die berig is daar volgens edelagbare hoogheilige Mkhize geen sterftes vir sekere provinsies. Dit terwyl daar by ‘n privaat hospitaal in ‘n sekere Noordwes dorpie ten minste 3 Kovid 19 verwante sterftes per dag is. So hoe lyk die getalle by staats hospitale? Ek wonder maar net of ons nog enig iets kan glo wat deur die regering gerapporteer word…