Covid-19-statistieke: Sterftesyfer bly laag

Argieffoto ter illustrasie (Foto: Unsplash)

Altesame 38 797 Suid-Afrikaners het nou Covid-19 onder lede nadat die jongste virusgevalle bekend gemaak is. Ten spyte hiervan bly die sterftesyfer onder diegene wat positief getoets het, steeds laag.

Volgens die Nasionale Instituut vir Oordraagbare Siektes (Nios) is daar 4 954 nuwe koronavirusgevalle in die land aangemeld.

ʼn Totaal van 3 785 398 Covid-19-gevalle is al in die land bevestig met ʼn positiwiteitskoers van 22,5%.

Die meeste nuwe gevalle is in Gauteng (44%) aangemeld, gevolg deur KwaZulu-Natal (27%) en die Wes-Kaap (12%). Die minste gevalle is in Limpopo en die Noord-Kaap (1% elk) aangemeld.

Provinsiale statistieke:

Vyf nuwe sterftes is aangemeld, waarvan twee in die afgelope 24 tot 48 uur plaasgevind het. Die sterftesyfer weens Covid-19 staan nou op 100 360.

Die departement van gesondheid het vroeër gesê weens ʼn voortgesette oudit wat aan die gang is, kan daar ʼn agterstand wees in die getal sterftes wat aangemeld is.

Tot dusver het 3 646 241 mense reeds van die virus herstel –  ʼn herstelkoers van 96,3%.

Suid-Afrika het reeds minstens 24 445 151 toetse vir Covid-19 gedoen en 21 970 sedert die vorige verslag.

Altesame 2 140 mense word tans in hospitale vir Covid-19 behandel, waarvan 121 nuwe gevalle in die afgelope 24 uur in ʼn hospitaal opgeneem is.

Volgens Nios is meer as 34,8 miljoen inentings tot dusver gedoen.

Sterftes en persone wat herstel het: