‘Daar is meer krag in selfbeheersing as anargie’

Betogers

TLU SA doen ’n ernstige beroep op Suid-Afrikaners om nie meegevoer te word deur die verskuilde pogings om polarisasie te skep nie.

Volgens Henry Geldenhuys, die president van TLU SA, het die uitvoerende komitee Dinsdag vergader om die situasie in die land en die veiligheid van lede te bespreek. TLU SA het ook riglyne vir lede saamgestel oor hoe om tydens protesaksies op te tree.

Hy sê die gebeure by Senekal in die Vrystaat bevestig dat gemeenskappe in Suid-Afrika breekpunt bereik het ten opsigte van die onaanvaarbare vlakke van misdaad en korrupsie. Woede het verlede week Dinsdag by die Senekal-landdroshof oorgekook toe die verdagtes vir die moord op Brendin Horner (21) verskyn het.

Dubbele standaarde in die hantering van misdaad, is volgens Geldenhuys besig om polarisasie in gemeenskappe en ook met die SAPD te veroorsaak.

“Die regering faal Suid-Afrika in feitlik alle opsigte. Die misdaad in Suid-Afrika word nie tot landbou beperk nie. Die huidige vlaag van moord en misdaad is reeds op onaanvaarbare vlakke en ’n verslegting van die situasie kan nie geduld word nie,” sê Geldenhuys.

TLU SA bevraagteken egter die politieke wil om misdaad te bekamp.

“Ons is realisties oor moontlike oplossings. Ons kan nie op ons eie die situasie verander nie. Ons móét hande vat met ander organisasies en strukture om gesamentlik ’n strategie teen misdaad vir die toekoms uit te werk.”

TLU SA het verlede week Vrydag na verskeie organisasies en kerkgenootskappe uitgereik en hulle gevra om ’n ernstige versoek aan die regering te rig om die onaanvaarbare vlak van misdaad aan bande te lê.

“Dit is maklik om teen hierdie agtergrond deur emosies meegevoer te word en selfbeheersing te verloor. Die gevaar bestaan ook dat wetteloosheid in so ’n situasie uitgebuit kan word. Dit kan lei tot ernstige konflik, bloedvergieting en die vernietiging van infrastruktuur en eiendom.”

Geldenhuys sê hulle het die boodskap van “daar is meer krag in selfbeheersing as anargie” aan al hul lede uitgestuur.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Persheks Adri

Wat word gedoen omtrent die rooi petters wat so aan hits en ons dreig en groot rassiste is? Hulle het GEEN selfbeheersing nie… Ons gedra ons mos!

Spook

Ek wonder hoe is die gemoedere op die grond in Senekal en Paul Roux?
Cele het gesê hy sal Vrydag in Senekal by die hof wees. Sal hy daar wees om die boere te ondersteun, of sal hy daar wees om die moordenaars te ondersteun?

Antoinette

Die boere het lank genoeg selfbeheersing gehad en die regering en trawante het gedink hulle kan maar oor ons loop. Maar nou het ons genoeg gehad. Viva Boere!!!!

melaney

Presies. ‘n Mens voel magteloos, moedeloos en woedend oor dit wat gebeur in ons land. Ek kan my nie vir ‘n oomblik indink hoe dit as ‘n familielid of vriend moet voel om hulle geliefde se liggaam te sien wat deur ‘n haatdraende persoon vernietig is. Dit is nie nodig om name eers te noem wat hieragter sit nie. Ons weet wie hulle is. Ongelukkig as onsself verkeerd optree is dit presies die vonk waarvoor ‘our people’ wag. Our people sorg dan dat die blanke vir solank moontlik uit die samelewing verwyder word. Ons sal moet anders redeneer om ‘n… Lees meer »

Fritz

Nice guys come second.