Diensleweringsbetogings teister Kimberley

Betogings in Kimberley (Foto: VF Plus)

Kimberley word tans weereens deur ontwrigtende en vernietigende diensleweringsbetogings geteister. Dit is die gevolg van diensleweringsprobleme wat deur verskeie raadslede van reg oor die politieke spektrum beskryf word as ‘n interne magspel gekenmerk deur sabotasie.

Verskeie paaie, insluitend die N8 en die R31 is in die gebied versper en motors en taxi’s is nie toegelaat om informele nedersettings te verlaat nie.

ʼn Groep, die Verenigde Gemeenskap van Sol Plaatje-munisipaliteit, het verlede week met burgemeester Patrick Mabilo en Noord-Kaapse premier Zamani Saul vergader. Die groep eis dat die premier en die leierskap van die munisipaliteit moet bedank.

Betogers eis, onder andere, verbeterde dienslewering, opgradering van pad-infrastruktuur en volhoubare oplossings vir rioolblokkasies.

Saul het intussen inwoners in Kimberley gemaan om geduldig te wees en die implementering van planne deur die provinsiale regering – om die waterkrisis op te los – te monitor.

Kobus van den Berg, VF Plus-raadslid in die Sol Plaatje-plaaslike munisipaliteit, sê gereelde rapportering van dienslewering en prestasiebestuursdoelwitte, soos deur die Munisipale Strukturewet voorgeskryf, het as gevolg van die grendelstaat verval.

“Terwyl herstel daarvan as teenvoeter vir totale verval noodsaaklik is, is die regerende ANC so besig met interne gevegte dat komitees feitlik nie meer sit nie,” het hy bygevoeg.

Betogings in Kimberley (Foto: VF Plus)

“Nog ‘n belangrike oorsigmeganisme wat verlore gegaan het, is die jaarlikse oorsigverslag wat kragtens die Munisipale Finansiële Bestuurswet voorgeskryf word. Dit is ‘n verslag wat raadslede moet uitbring nadat die munisipale jaarverslag ter tafel gelê is. Dit bied aan gewone raadslede die geleentheid om die prestasie van die burgemeester en lede van die burgemeesterskomitee te beoordeel en die jaarverslag te weier en/of te veroordeel.”

Van den Berg sê hierdie wetlike oorsigmeganismes kan ANC-raadslede eenvoudig nie skeel nie. “Daarom is dit tyd om met die plaaslike verkiesing op 27 Oktober 2021 ‘n verskil te maak. Kiesers moet saam met die VF Plus opstaan, saamstaan en sterk staan, om gekwalifiseerde leierskap en beheerprosesse in munisipaliteite te herstel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Jannie van Niekerk

Met alle respek teenoor die kastige “Nuwe Demokratiese Suid Afrika” : Sedert 2 Februarie 1990 is elke enkele dorp en stad in die land opgedons.

Hester Wilhelmina

Maar kom stemdag, dan trek ons maar weer ons kruisie agter hulle….

Wiehan

Jip Jannie en Hester in Oktober stem ons weer maar hulle sal weer die ANC in stem na vele BELOFTES. Kan mense nie sien wat aangaan nie, is hul wraggies al so ge-breinspoel. Is maar te rede met die paar SASSA rande

Wiehan

Jannie, nie all dorpe en stede nie, gaan kyk na die 26 in die Weskaap en 1 in Gauteng wat deur ‘n ander party reger word. Hier by ons in Meyerton het ons baie goeie dienslewering asook ‘n skoon dorp, net omdat ons ‘n locale burgemeester het asook raadslede en munisipale werkers het wat regtig werk en omgee vir hul gemeenskap.

Snowball

Jy betoog, maar jy betaal nie. Lekker in SA.