DKD bevestig aanval op Derby-Lewis en Walus

Clive Derby-Lewis

Clive Derby-Lewis

Die departement van korrektiewe dienste het Woensdag bevestig dat Clive Derby-Lewis (78) en Janusz Walus in die gevangenis aangeval is.

“Derby-Lewis en Walus is Woensdagmiddag in die Pretoria Sentraal-gevangenis deur ʼn ander gevangene aangeval en met skerp voorwerpe gesteek,” het Manelisi Wolela, woordvoerder van die departement aan Maroela Media bevestig. “In hierdie stadium lyk dit of een gevangene hulle met ʼn kombuislepel aangeval het.”

Wolela sê die twee mans het beserings op hul hande en koppe opgedoen en hulle is deur die tronk se verpleegster in die kliniek behandel. Hulle toestand is nog nie bekend nie.

Marius Coertze, Derby-Lewis se regsverteenwoordiger, het aan Maroela Media gesê as Derby-Lewis se lewe wel in gevaar is, gaan hulle ʼn dringende hofbevel bekom om hom na ʼn hospitaal oor te plaas waar hy beter mediese behandeling kan ontvang.

Die motief vir die aanval is nog nie bekend nie. Die departement en die polisie ondersoek die voorval.

Derby-Lewis is in 1993 tot 25 jaar tronkstraf gevonnis vir sy rol in die moord op Hani. Hy het ʼn vuurwapen gereël vir Walus, wat tans dieselfde vonnis uitdien. Altwee is aanvanklik doodstraf opgelê, maar dit is tot lewenslange tronkstraf verander toe die doodstraf in Suid-Afrika afgeskaf is.

Derby-Lewis het glo kanker en het in 2011 en 2012 aansoek gedoen vir mediese parool, maar dit is afgekeur.

Lees ook:
Clive Derby-Lewis en Janusz-Walus glo in tronk aangeval

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Eugenie

God slaap nie. Mnr Derby-Lewis word ‘n groot onreg aangedoen. Druk deur asseblief, en laat hom in elkgeval beter mediese behandeling ontvang.
Beeld? Adriaan Basson en Tim du Plessis, julle kommentaar word dringend afgewag!!!!!

Shannon

Daar is `n wesenlike kans dat Derby-Lewis wel lewend uit die tronk kan stap. In so `n geval loop die swart bewind in Suid Afrika die risiko dat hy as `n soort martelaar gesien sal word deur baie – nie net binne voormalige blanke regse geledere nie maar waarskynlik ook in die algemeen onder blankes. Dit is gevaarlik. Iets wat die regering nie kan bekostig nie. Want : 1. Mandela word na 28 jaar uit die tronk gelaat deur blankes na `n tronk straf vir terrorisme op die publiek, waar – in teenstelling – 2. swartes `n blanke man in… Lees meer »