Drie polisielede is Dinsdag in ʼn ongeluk op die N12 naby Potchefstroom in Noordwes dood.
Volgens kol. Adele Myburgh, polisiewoordvoerder, was vier polisielede in ʼn bakkie op pad terug Gauteng toe, toe die bestuurder vermoedelik beheer van die bakkie verloor en dit gerol het.
Drie van die polisielede is op die toneel dood verklaar en die ander polisielid het ernstige beserings opgedoen en is na ʼn hospitaal geneem vir behandeling.
Die polisielede is van Gauteng en was op pad terug daarheen toe die ongeluk omstreeks 16:30 plaasgevind het. Volgens Myburgh het die bestuurder op ʼn skerp draai vermoedelik beheer verloor.
Die oorledenes se name is nog nie bekend gemaak nie aangesien al hul naasbestaandes nog in kennis gestel moet word.
Jammer aan al drie se gesinne. Mag julle deur hierdie moeilike tyd wat nou voorle kom.
Jammer om te hoor, wonder net waar is die skerp draai?
Net na die R54 afdraai rigting Johannesburg