Volgens kapt. Dineo Lucy Sekgotodi, woordvoerder van die Valke, het Aphiwe Dike (27), Siso Jonas Kulunga (27) en Njabulo Malapane (26) Vrydag in die landdroshof op Ogies, Mpumalanga, verskyn op aanklag van die besit van gesteelde goedere.
“Sekuriteitspersoneel van Transnet het gesien hoe ses mans ʼn paar items van die Saaiwater-spoorwegstasie op ’n Nissan NP300 by die Saaiwater Transnet-behuising op Ogies op die bakkie laai. Daar was drie mans in die bakkie en drie agterop die voertuig,” bevestig Sekgopo.
“Nadat die sekuriteitspersoneel die bakkie tot stilstand gebring het, het die drie mans wat agterop die bakkie was, weggehardloop en die ander drie is in hegtenis geneem.”
Lede van die Valke se ernstige georganiseerde misdaad-ondersoekeenheid wat op Middelburg gesetel is, is ontbied.
“Beamptes het die bakkie deursoek en 12 Transnet-batterye agterop die bakkie ontdek.”
Die batterye het ʼn waarde van R144 000.
“Voorlopige ondersoeke dui daarop dat die verdagtes werknemers van Transnet is.”
Die verdagtes sal in aanhouding bly en na verwagting Vrydag in die hof verskyn. Hulle sal dan formeel om borgtog aansoek doen.
Nou weet jy presies hoekom geen regdenkende besigheid sy goedere per spoor wil laat vervoer nie.
Mooi so
En die drie wat weggehardloop het sal die batterybesigheid herstruktureer.
As borgtog toegestaan word, sal hulle seker direk teruggaan werk toe.
Produktiewe manne, hulle werk seker lang ure om die pligte van twee werke na te kom.
Dis nie diefstal nie, dis sabotasie. Laat hulle LANK sit
Die drie wat weg gehardloop is mos bekend aan hulle!!! Laat hul praat.
Arrogant!
Eerder n beroep wat erken en ondersteun word deur die regeering.
En so is die polisie en ondersoeke se natterye pap want hul is more terug op straat met 20 baterrye vir die pap ANC! Nê ou cyrel wat praat en niks doen.
Die kaders verdien ten minste poste as LP’s.
Volg die regeerders se voorbeeld