Die DA het Dinsdag sy ongelukkigheid uitgespreek nadat Noordwes se provinsiale wetgewer in sy aangepaste begroting miljoene rande opsy gesit het om lede te vergoed wanneer hulle die diens verlaat.
Luidens die aangepaste begroting is ’n aardige bedrag van R11 miljoen opsy gesit vir toelae wanneer lede van die provinsiale wetgewer die diens verlaat. ’n Verdere R4 miljoen is opsy gesit om ongelykhede in salarisse reg te stel.
Freddy Sonakile, DA-hoofsweep in Noordwes, het in ’n verklaring gesê dit is kommerwekkend dat só ’n groot bedrag toegeken is aan die provinsiale wetgewer, wat nie eens ’n diensleweringsinstansie is nie. Dít terwyl daar geen sent toegeken is vir droogtehulp nie, wat tog ’n bedreiging vir die provinsie se voedselsekuriteit inhou.
Luidens die verklaring is daar ook geen woord in die begroting gerep oor geslagsgebaseerde geweld in die provinsie nie, aangesien daar geen geld aan gemeenskapsveiligheid toegeken is nie.
R56 miljoen is aan die provinsie se vervoerbeleggings toegeken om die uitdagings met betrekking tot die Suid-Afrikaanse Inkomstediens (SAID) aan te pak.
Volgens Sonakile is dit verstommend dat meer geld bestee word aan entiteite wat oor die afgelope drie boekjaar geen winste getoon het nie.
“Dit is duidelik uit die aangepaste begroting dat geen noemenswaardige veranderinge in die provinsie sal posvat nie en inwoners weereens in die steek gelaat word. Die provinsie het ’n regering nodig wat voedselsekerheid, toegang tot basiese dienste en ekonomiese ontwikkeling prioritiseer,” sê Sonakile.
Welkom in die siek ANC land lekker om ons belasting geld te mors op mense wat heel dag sit en niks doen nie
En so ‘regeer’ hulle alles die afgrond in…
Ek stem hier saam met Freddie Sonakile.
Onbevoegde klomp kaders.
Is verstommend hoe die mense dink. Tragies om te sien hoe gaan die land net agteruit met mense wat nie n benul het wat aangaan nie
Net vir die rekord, die meeste slagoffers van geweld is mans gepleeg deur mans. Ek raak nou moeg vir die alewige geslagsgebasseerde geweld praatjies soos ‘n papegaai wat ‘n nuwe woord geleer het.
Konsentreer om alle geweld te probeer verminder.
Waarom bly ons praat van onbevoegde kaders terwyl hulle besig is om hul doel te bereik deur ons moedeloos te belas? Die kommunisme is ewig voort stuende beweging. Ons verstaan blykbaar net nie die konsep nie of wil dit nie glo nie.
Jare gelede het my oumatjie gesê dat daar ‘n tyd gaan kom wat ons geld gaan hê maar niks daarmee kan koop nie …. en sy was reg …
Waarom word hierdie vergrype deur die sg president toegelaat?
Hy gryp dan self !!!!!!
Nou kom aan DA. Doen julle werk en vat die provinsie en ruk hom reg.
Skandalig die toewysing van skaars finansiĕle hulpbrone aan nie-prioriteit projekte.
Jaarrreee gelede na bedanking uit staatsdiens is net my eie pensioenaftrekking trug betaal. Kan ek nou ook uitbetaling kry.