Dubbelmoord ruk Vrystaatse dorp

Van links is Viv Viviers, Thea du Plooy, Eric Oosthuizen en Charlotte Viviers. Die foto is in 2008 geneem. Foto: Verskaf

Van links is Eric Oosthuizen, Thea du Plooy en Viv en Charlotte Viviers. Die foto is in 2008 geneem. Foto: Verskaf

Twee bejaardes van Memel in die Vrystaat is Dinsdagaand wreed in hul huis vermoor.

Sers. Tshegofatso Maliehe, woordvoerder van die polisie, het gesê ʼn bejaarde egpaar en nog ʼn bejaarde man wat by hulle gewoon het, is omstreeks 18:00 deur twee verdagtes in hul huis oorval.

Maliehe wou nie die name van die slagoffers bevestig nie, maar ʼn familievriend het aan Maroela Media bevestig dat dit ʼn bekende egpaar van die dorp, Viv (82) en Charlotte (78) Viviers, is. Die derde slagoffer, Eric Oosthuizen (82), is familie van die egpaar.

Volgens Maliehe het die aanvallers die drie mense se hande en voete vasgebind. Die huishulp het Woensdagoggend op die gru-toneel afgekom toe sy vir werk aangemeld het. Maliehe het gesê Viv is vir ure lank deur die aanvallers gemartel om die kluis se sleutels te gee.

Charlotte se liggaam is glo in die huis gevind, terwyl Oosthuizen se liggaam in ʼn buitekamer gevind is. Maliehe het gesê die twee oorledenes is vermoedelik verwurg, omdat daar geen sigbare beserings aan hul liggame was nie. “Daar word sover niks uit die huis vermis nie, maar die polisie is steeds besig om ondersoek in te stel,” het sy gesê.

Thea du Plooy, ʼn familievriend, het aan Maroela Media gesê Viv is dokter toe geneem ná die aanval, maar nie in die hospitaal opgeneem nie. “Hulle het hom met messe in sy bene gesteek en met plastiek op sy maag gebrand. Hy het ook erge kneusplekke opgedoen soos hulle hom op en af in die huis gesleep het,” het sy gesê. Viv is glo ná die aanval na sy kinders in Newcastle geneem, waar hy tans aansterk.

“Dit is so tragies. Oom Viv en tannie Charlotte is bekend en so geliefd op die dorp. Ek het daar grootgeword en ek ken hulle al sedert ek ʼn kind was,” het Du Plooy gesê. “Die ergste is hul huis is net twee huise van die skoolkoshuis af. Dit is ʼn groot skok vir die Memel-gemeenskap.”

Maliehe het gesê niemand is nog in hegtenis geneem nie. Enige persoon met inligting wat die polisie met hul ondersoek kan help, word versoek om die ondersoekbeampte, konst. Tshidiso Salemane, by 082 466 7760 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

64 Kommentare

jongste oudste gewildste
BUSFARK VAN PLETSEN

Tragies hartseer silke goed mag nie gebeur nie

franscois

Ja de Klerk jy het hand om die blaas met satan geloop en alles oorgegee, ek wonder ooit of jy sien en lees wat in die mooi gewese land van ons aangaan,hoe ons ou mense doodgemaak en gemartel word, en ek is seker jy draai net jou rug op ons, maar jou dag sal ook kom!!!!!!!!!!!!

annette duvenhage

Die ergste van alles is dat nog niemand in hegtenis geneem is nie….elke berig wat mens leef het dieselfe tendens…..NIEMAND IS NOG IN HEGTENIS GENEEM NIE. Belaglik!!!!!!!

Aster

Mense, ek het nie woorde om te beskyf die woede wat binne my kook as ek hierdie berig lees nie. Hierdie gaan nie stop nie! Ons word uitgehaal een na die ander. Ag, mag die Here net ingryp in hierdie land van ons en die oorhand hê. Ek kan dit nie meer vat nie! Nou vra ek is dit tog nie beter om te immigreer nie?

Debs

Ek het deesdae nie meer woorde nie, ek is spraakloos vir ‘n paar dae oor moorde verkragtings en dit veral VERAL op ons ouer mensies, hulle is die wat werk gegee het vir plaaswerkers ….. ek bid net die Here sal iets dergliks aan hierdie land van ons kan doen wat klaar die hoogte moord en misdaad syfers in die wereld het . Maar ongelukkig lees die siek mense, die barbarre, die skuldiges, die skollies, die inbrekers, die verkragters en so kan ek aangaan…. hulle lees ongelukkig nie koerante nie….. die land het so wreed en mal geword gaan daar… Lees meer »