Een vas wat glo wapens vir taxi-geweld smous

Die man is in hegtenis geneem nadat hy glo wapens by ‘n taxi-staanplek verkoop het.

ʼn Man is in hegtenis geneem nadat hy en ʼn makker betrap is waar hulle glo vuurwapens by die Wierdabrug-taxistaanplek in Centurion verkoop. Die ander persoon het in ʼn silwergrys Ford Ranger gevlug. Die polisie is steeds op sy spoor.

Die taxistaanplek is naby Olievenhoutbosch waar vyf mense verlede Maandag doodgeskiet en nege ander in verskillende voorvalle gewond is.

Die Gautengse LUR vir gemeenskapsveiligheid, Faith Mazibuko, het na dié voorvalle beveel dat alles moontlik gedoen moet word om diegene verantwoordelik vir die geweld aan te keer en taxi‑geweld te stuit.

“Ek wil die polisie loof vir die inhegtenisneming van die verdagte wat [glo] vuurwapens aan taxi-bestuurders verkoop het en só taxi-geweld aangehelp het. As die Gautengse regering is ons bekommerd oor die veiligheid van diegene wat van openbare vervoer gebruik maak, veral tydens die feestyd wanneer mense dikwels reis,” het Mazibuko gesê.

Sy het gesê wetstoepassers gaan veral saamwerk om te verseker taxistaanplekke, winkelsentrums, paaie en ander openbare plekke is veilig vir Gautengers én besoekers aan die provinsie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Pampoen

Skokkend dat daar sulke mense onder ons is.

Me

Mooi so sluit hulle vir jare toe waar kry hulle die wapens om te verkoop

AJ

Daar is nou elke dag berigte van slegte wit mense, moord, verkragting, bedrog, wapen handel, dwelm handel, mense handel ontvoering, ek skaam my vir my volk se agteruitgang

@Bollabek

Word wakker. Goed of sleg, krimineel of regverdig, WAT het jou velkleur daarmee te doen?

Ian

Suit toe en gooi die sleutel weg. Meng jou met die semels dan vreet die varke jou op.