Oudpres. Jacob Zuma en Bongani Bongo toe Bongo in 2017 as minister van staatsveiligheid beëdig is. (Foto: GCIS
Die eerste domino het skynbaar geval in die interne ANC-stryd teen staatskaping toe die omstrede oudminister Bongani Bongo Dinsdag onverwags “met verlof gegaan het”.
Bongo is tans die voorsitter van die parlementêre portefeuljekomitee oor binnelandse sake en was Dinsdag sonder verskoning afwesig vir die komiteesitting wat hy boonop moes lei. Die komiteeklerk het toe maar as voorsitter opgetree.
By navraag het sommige ANC-lede teenoor Maroela Media beweer Bongo is met verlof. Die woordvoerder van die ANC se parlementêre koukus, Nomfanelo Kota, het egter gesê geen sodanige verlof is goedgekeur nie en die saak sal na Luthuli-huis, die ANC se hoofkantoor in Johannesburg, verwys word.
Bongo se afwesigheid volg ʼn dag ná die bekendmaking van ʼn besluit deur die regerende party se nasionale uitvoerende komitee (NUK) dat alle ANC-lede wat in die hof tereg staan op strafregtelike aanklagte, dadelik geskors sal word uit alle politieke en ANC-bedrywighede, totdat die hof hulle onskuldig bevind het.
Die NUK het egter geen aanduiding gegee van wanneer sodanige maatreël ingestel sal word nie.
Bongo was minister van staatsveiligheid tydens die Zuma-bewind. Hy is verlede jaar deur die Valke in hegtenis geneem en het in die streekhof in Kaapstad verskyn op aanklag dat hy die getuienisleier in die parlement se ondersoek na wanbestuur by Eskom probeer omkoop het om die ondersoek te kelder.
Koebaai Bongi! Enjoy the trip!
Ons hoop maar dit is waar dat hy geskors is. Dit is hoog tyd
CR pasop dat jou kaders wat geskors word nie ‘n staatsgreep op jou uitvoer.
Geskors met volle voordele. Kan werk vir my.
Nie skors nie, fire hom.
Ek ruik ‘n rot! Hier is seker WEER korrupsie, want baie toevallig is hy op verlof na die aankondiging van NUK… Iets wat jy ons wil vertel huh?
Fire almal Cyril!
WONDERLIK – antwoord op gebed – so sal hulle een vir een verdwyn – voor inhegtenisname – tronksel is te oorbevolk na hulle sin om daar tyd deur te bring vanuit die magsposisie en korrupte optrede in die verlede – die wiel draai stadig maar verseker sal elke korrupte knie buig voor die waarheid en dit is ‘n sweep wat baie hard slaan, verseker.
Nou hoe gaan die land werk as die meeste politici op verlof geplaas gaan word?
Miskien beter as huidiglik. ;-()
Ag asb hulle soek n promosie vir hom nou is hy op tax betalers se geld met verlof tot hulle sy nuwe kantoor decorat.
Kingpin in renosterstropery ook die kerel, as daar enige geregtigheid is in die land, behoort hy dieselle te beleef as daardie arme diere…
Hy is maar ‘n klein ratjie in die ANC, die grotes moet begin gaan dan sal ons dalk glo hulle is ernstig
Rerig? Kyk volgende week waaneer hy aangestel is as ambassadeur in Ysland. Jy kan nie kaders he sonder ‘n werk nie. Kyk vir Carl Niehuas……hy het miskien nog nie ‘n lekker tender gekry nie(miskien te wit) maar hy het ‘n job daar by LootFreely Huis, en hy het nog self sy Umkhonto we Sizwe (MK) uniform.
Die een aan die linkerkant moes lankal sy moses teëgekom het
Nou praat jy!