(Foto: Twitter/
Murray & Roberts Cementation)
Byna 11 jaar nadat die mynreus De Beers begin het om die land se grootste diamantmyn, Venetia, oop te grawe, het ’n myntonnel van $2,2 miljard (ongeveer R38 miljard) eindelik sy eerste diamante opgelewer.
De Beers het sy eerste diamante as “’n belangrike mylpaal” beskryf. Die mynmaatskappy het egter nie meer inligting rakende sy eerste vonds bekend gemaak nie.
Venetia is ’n oop myn in die noordooste van Suid-Afrika, naby die grens van Zimbabwe en Botswana, wat in Desember verlede jaar – ná 30 jaar se produksie – gesluit is. Daar word egter sedert 2012 na diamante op ’n diepte van meer as 1 000 meter gesoek.
Die ondergrondse operasie, wat werk aan ongeveer 4 300 mense verskaf, is nou 70% voltooi.
Die fasiliteit sal na verwagting jaarliks tussen 4,5 miljoen en 5,5 miljoen karaat diamante produseer.
Moses Madondo, De Beers se bedryfsdirekteur, sê die belegging het die groep se produksie op lang termyn verbeter en is tekenend van sy verbintenis tot Suid-Afrika.
“Ons sien uit daarna om te sien hoe die span met hul uitmuntende prestasies en goeie werk voortgaan terwyl ons produksie oor die volgende paar jaar verhoog,” sê Madondo.
(Foto: Twitter/
African Mining Market)
Baie geluk…nou deel daar met ons ook van die vondse.
Die myn, aanvanklik op die De Beers se familieplaas in die ou Transvaal wat tot die Anglo-Boereoorlog aanleiding gegee het doer in die draai van die eeu in 1900, is steeds aan die boor. Die Britte met Rhodes as voorbok was absoluut fanaties oor die diamante en goud in Suid-Afrika en het Afrikaners groot skade berokken met sy opsweep van die swartes teen hulle om Brittanje se voet orals in die deur te kry vir sy skattejagte.