Egpaar dood in huis op kleinhoewe gevind

Tewie en Eurika Human. Foto: Verskaf

Tewie en Eurika Human. Foto: Verskaf

ʼn Geliefde egpaar van Grootbrakrivier is vandeesweek dood in hul huis op ʼn kleinhoewe in die Sandhoogte-gebied aangetref.

Tewie en Eurika Human is vermoedelik helder oordag in hul huis vermoor, maar dit is nie tans duidelik wanneer presies die moord plaasgevind het nie. Volgens die polisie is hul liggame Woensdag in die vroeë oggendure gevind.

Carlo Vos, die Human-egpaar se skoonseun, het vanuit Florida in die VSA met Maroela Media gepraat waar hy en sy gesin Saterdag van die skoknuus verneem het. “Daardie twee mense het harte van goud gehad. Hulle sou niemand leed aandoen nie en dan moes so iets met hulle gebeur het,” het hy gesê.

Hy het gesê Tewie was in sy vroeë 70’s en Eurika in haar laat 60’s. Eurika sou vandag verjaar het, dieselfde dag dat die egpaar ook hul huweliksherdenking sou vier.

Volgens Vos is sy skoonpa se liggaam in die motorhuis aangetref en sy skoonma se liggaam in die egpaar se bed. Die vermoede bestaan dat die egpaar vroegoggend oorval is aangesien Eurika nog haar slaapklere aangehad het, het hy gesê. Daar is ook ʼn sterk moontlikheid dat iemand wat sy skoonouers geken het by hul moord betrokke was, omdat daar geen tekens van gedwonge toegang tot die huis was nie. Verskeie items is glo uit die huis gesteel.

“Dit lyk glo asof my pa met ʼn stomp voorwerp oor sy kop geslaan is, terwyl my ma steekwonde aan haar lyf gehad het. Daar is geen skietwonde nie, so ons glo nie daar was ʼn vuurwapen betrokke nie,” het Vos gesê.

Hy het gesê Tewie het ʼn riooldienstebesigheid op die dorp bedryf en was dus ʼn bekende gesig onder die plaaslike inwoners. “Ek dink iemand het seker maar onraad gemerk toe hulle my skoonouers ʼn paar dae nie gesien het nie en die polisie in kennis gestel. Dit is toe dat hulle op hul liggame afgekom het.”

Vos het gesê hy en sy vrou, die Human-egpaar se dogter, woon in Costa Rica terwyl die egpaar se ander dogter in Kaapstad woon.

Lt.kol. André Traut, woordvoerder van die polisie, het die voorval aan Maroela Media bevestig. Hy het gesê niemand is nog in verband met die moorde in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Maria

Volksmoord? Ons Blanke Volk word uitgemoor. Sterkte aan die familie.

Joann

Sal dit nie beter wees as moordenaars en verkragters aan die publiek uitgelewer word nie? Bly nie dan gratis op belastingbetalers se geld in die tronk nie. Hul leef mos lekker daar.

Kaaiman

Ons bly op Grootbrak, hoewel ek nie die mense ken nie. Die dorp is tot stilstand geruk.

Wat nou

Genade Maroela dit voel of jul al die gruweldade aantrek maar nou ja dit is wat elke dag nou met al wat wit is gebeur siek gemors wat ons aarde bevuil geen wonder mense laat hul uit oor rassisme nie al uitlaatklep sonder om na daad oor te gaan maar dan is jy in elkgeval in sulke groot moeilikheid dat dit nie eers die moeite werd is nie RIP mense van vrede maar o wee die dag gaan kom so waar as wragtag

nie belangrik

En hier gaan dit nog steeds aan. Die goed wat hulle hande gelig het vir die oom en tannie, mag julle brand.