Etzebeth vra hof om MRK-besluit te hersien

Eben Etzebeth. Foto: Twitter

Eben Etzebeth se regsverteenwoordiger het Maandagoggend ʼn aansoek in die hooggeregshof gebring om die Menseregtekommissie (MRK) se besluit om teen hom op te tree, tersyde te stel.

Die MRK het Maandagmiddag bevestig dat hy Etzebeth se aansoek ontvang het. In die aansoek vra hy die hooggeregshof om die MRK se besluit om hom by die gelykheidshof aan te kla, te hersien en ter syde te stel.

In sy beëdigde verklaring verskaf Etzebeth sy weergawe van die gebeure buite ‘n kroeg in Langebaan en spreek ook skerp kritiek uit op die MRK wat volgens Etzebeth sy eie prosesse geminag en partydig opgetree het.

“Die MRK is besig om deur die dokumente te werk en sal dan besluit hoe om daarop te reageer,” het die kommissie Maandagmiddag in ʼn verklaring gesê.

Die saak spruit uit ʼn beweerde voorval in Langebaan aan die Weskus waar Etzebeth en/of vriende van hom na bewering rassisties opgetree het. Etzebeth, wat tans in Japan aan die Wêreldbeker-rugbytoernooi deelneem, ontken die bewerings ten sterkste.

Die MRK is onlangs in omstredenheid gedompel toe die hoof van regsdienste, adv. Buang Jones, volgens mediaberigte in die openbaar gesê het Etzebeth “het met moord weggekom” en dat die MRK “ʼn voorbeeld van Etzebeth gaan maak”. Die MRK het intussen aangekondig dat daar dringend ondersoek ingestel gaan word na Jones se geskiktheid om die saak te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Vintcent

MRK sal die dag geloofwaardigheid hê as sekere politici tronk-toe gestuur word vir hul opruiende tirades. Die feit dat daar dadels van kom en dat ander chronies oortree, is net ‘n aanduiding dat die MRK selektief funsioneer.

Gallie

Sterkte Eben. Ek dink Bang Jonas het bietjie vroegtydig opgetree, Waarom hy nie Eben se getuies se be- eedidge verklarings ingedien het , wat deur Eben se prokuteur aan hom oorhandig was, dui daarop dat Bang Jonas bevooroordeels is.

Bossie

Sterkte Eben. Mag reg en geregtigheid geskied.

Wesley

Daarsy Eben, hier kom n ding, wat Jones vergeet is dat daar twee kante van n storie is en het sy onpartydige skoene by die deur vergeet. Die MRK moet seker die vet in wees vir sy uitlatings, dit het moontlik hul saak in die vuur gaan staan en gooi.

Arie

Goed so Eben! Tyd dat iemand hulle op hulle plek sit