ʼn Jong fabriekswerker is Donderdag by ʼn fabriek in Boksburg in Gauteng bygebring nadat hy by sy werksplek deur elektrisiteit geskok is.
Shawn Herbst, woordvoerder van Netcare 911, sê paramedici is omstreeks 09:03 na ʼn fabriek in Delmore ontbied waar ʼn 25-jarige man ernstige beserings opgedoen het nadat hy deur elektrisiteit geskok is.
ʼn Kliniekverpleegster het die man op die toneel behandel voordat hy met paramedici se aankoms in hulle sorg geplaas is.
Volgens Herbst kon paramedici daarin slaag om ʼn polsslag by die man te herwin voordat hy met ʼn lugambulans na ʼn hospitaal gehaas is.
Besonderhede rakende die voorval is in dié stadium onduidelik
DIS hoekom jou “First Responders” (van Eerstehulp- tot Professionele Suster’s-kwalifikasie” nodig is in die werksplek. Well done!