’n Plaaslike boer het Saterdag gehelp om nooddienswerkers tot by ’n beseerde fietsryer in ’n afgesonderde gebied naby Stellenbosch in die Kaapse Wynland te neem.
Volgens Shawn Herbst, woordvoerder vir Netcare 911, het die voorval kort voor 09:00 Saterdag plaasgevind. Die 47-jarige fietsryer het glo matige beserings opgedoen toe hy op ’n onbenoemde bergpad gery en van sy fiets afgeval het.
Weens die growwe, veldagtige terrein het ’n boer van die omgewing aangebied om die nooddienswerkers tot by die man te neem.
“Die pasiënt is op die toneel behandel en met ’n 4×4-voertuig bergaf geneem waar ’n ambulans op hom gewag het.”
Die naam van die fietsryer en aard van sy beserings is nie bekendgemaak nie.
Hy kan dankbaar wees dat hy gevind en gehelp is.
So kon niemand van hom weet nie en beserings kon noodlottig wees.
Mens ry nie alleen op onbekende plekke nie.
Maggies, hy is seker van die avontuurlustige soort. Party keer wil mens net wegbreek van hierdie rigiede manier van leef.
Samuel, dit is waar. Mens soek soms na vrede en stilte. Ongelukkig is daar min plekke in ons pragtige land oor waar mens dit in veiligheid kan doen.
Glo my ek veroordeel nie die man nie. Hy is werklik gelukkig dat hy hulp kon kry.
Ek is self ‘n bergfietsryer, maar my man en seun weet altyd waar ek gaan ry en my Zenly is altyd aan, sodat hulle my kan “track” waar ookal ek ry. Mens kan vandag net eenvoudig nie meer die kans waag om sonder enige iemand se medewete te gaan fietsry, drag of selfs winkels toe ry nie.
Maroelamedia praat nou gereeld van “fietser”! Waar kom dit vandaan?!
Fritz sal ek ook graag wil weet. Ek ken net van iemand wat fiets is, gewoonlik ‘n dame, maar nog nooit van ‘n fietser gehoor nie.
Dalk weer ‘n nuwe woord. Ek is gewoond aan fietsryer… of is daar iets anders?
Dit is Nederlands vir fietsryer. Ek vra dieselfde vraag.
Mm dink hulle is steeds in nederland.
Stem saam. Ons taal word regtig verkrag! Skaam julle
Fietser is n Nederlandse woord vir fietsryer. Maroela media nou Nederlands of is dit n direkte vertaling van cyclist?
So die titel was te lank so kom ons soek ‘n alternatief vir fietsryer wat twee letters korter is?
Hy kan dankbaar wees hy is gevind en gehelp. ‘n Ongeluk gebeur so vinnig en in vandag
se tye is dit ‘n risiko om alleen op sulke paaie te gaan.