Fietsryer deur bus doodgery

Argieffoto Foto: ER24

Argieffoto Foto: ER24

ʼn Fietsryer is Woensdag in Pretoria dood nadat hy glo deur ʼn bus getref is.

Santi Steinmann, woordvoerder van Netcare 911, het gesê die ongeluk het omstreeks 07:30 in Kameeldrift, noordoos van die stad, plaasgevind. “Die man was reeds dood toe paramedici by die toneel opgedaag het. Sy liggaam het aan die kant van die pad gelê, met sy fiets langs hom,” het Steinmann gesê.

Sy het aan Maroela Media gesê die man was vermoedelik op pad werk toe, aangesien hy nie fietsryklere aangehad het nie.

“Daar word vermoed dat ʼn verbygaande bus hom in die pad getref het. Die polisie stel ondersoek in,” het sy gesê. Die bus het sowat ‘n meter van die man se liggaam tot stilstand gekom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
SNEL

Karre voel niks vir fietsryers nie, wat nog te praat van n groot ding soos n bus. Dis hartseer dat iemand weer sy lewe verloor het omdat iemand nie gekyk het of omgegee het nie.

Lindie Lourens

En omdat fietsryers dikwels langs mekaar ry of selfs aan die verkeerde kant van die pad ry en dikwels ook stopstrate en robotte en ander padtekens ignoreer!!!

MM

Ons wat voertuie bestuur moet vir hulle uit swaai, want hulle ry die hele pad vol. Ons moet lisensie gelde betaal om ‘n pad gebruiker te wees, maar o nee hulle kan maar ry soos hulle wil. Hulle moet dit weer wet maak dat alle fietsryers lisensies vir hul fietse kry. Baie jare terug moes elke fiets op die pad ‘n lisensie gehad het, so wat maak hulle nou so spesiaal om sonder een te ry. Verkeerde kant van die pad of nie hulle moet die motoris OOK in ag neem.

charles

Ek eendag so gery en toe twee langs mekaar gery toe ek toeter blaas wys een my sy middel vinger wel hy sal nie weer vir my wys nie ek daar gestop en hom n paar klappe gegee

Lindie Lourens

Maronel en Delia: Alles RY aan linkerkant van pad, maar STAP aan regterkant van die pad. Dis reg. Verkeerde kant is anders-om.
Ek sou ook dink dat daar nie net lisensies vir die fietse moet wees nie, maar die fietsryer self moet lisensie verkry nes motorryers, want almal moet dieselfde reëls ken en nakom.