’n Lodge noord van Pretoria het Sondag so te sê afgebrand nadat ’n verwoestende veldbrand daarheen versprei en grasdakstrukture die een ná die ander aan die brand geraak het.
Sowat tien strukture (20 kamers) en ’n konferensiefasiliteit by die Sheerwalk Lodge in Grootvlei het in die slag gebly nadat die wind gedraai en ’n nabygeleë veldbrand in die rigting van die lodge gedruk het.
Twee teëldakhuise by die lodge het staande gebly. Die strukture se dakbalke het begin brand, maar kon taamlik vinnig geblus word.
Daar was egter geen keer toe die grasdakke begin brand nie, vertel Tarien Cooks, voorsitter van die Apiesrivier-brandbeskermingsvereniging.
“Die hitte was van so ʼn aard, jy kon nie naby die dakke kom om dit te blus nie.”
Cooks sê die brand het 11:40 in die omgewing van Grootvlei ontstaan en “letterlik van Tambotiestraat tot teen die N1-snelweg deurgebrand.”
Sowat 13 kleinhoewes het in die proses afgebrand. Cook verduidelik dat daar geen water op die kleinhoewes was om die vlamme te blus nie nadat die Pyramid-substasie, wat langs die Rooiwal-kragstasie gebou is, verlede week self aan die brand geraak het.
“Dit was ’n verskriklike moeilike brand gewees. Die vlamme was tussen twee en vyf meter hoog en het teen ’n spoed van tussen 1,5 en 2 km [per uur] beweeg. Dit was redelik vinnig gewees en die wind het in ’n suidoostelike rigting gewaai. Die plantegroei was ook van so ʼn aard dat ons gesukkel het om dit geblus te kry.
“Die lodge het so vinnig afgebrand. Ek dink dit het binne tussen 20 minute en ʼn halfuur afgebrand.”
Die eienaar van die Sheerwalk Lodge kon nie Maandag dadelik vir kommentaar bereik word nie.
Hoe brand so baie lodges af deesdae
Want almal het grasdakke
En versekering.
Dit hou net nie op nie.
Solank as die ANC in beheer is sal dit so aangaan en NOOIT ophou nie.
Die een in Palaborwa het ook ‘n grasdak gehad.
Ja want hulle weet hoe gou brand so ‘n plek af. Selfs die een in Magoebaskloof ‘n paar jaar terug.
Ek glo gladnie meer dat spesifiek oorde en lodges afbrand agv weersomstandighede nie.
Men’s noem dit brandstigting
Ek stem saam .
Nee kyk geen plek of veld kan net so aan die brand raak nie hierdie brande word gestig klaar
Ekonomiese terrorisme
Snaaks genoeg dit gebeur nadat die substasie ook afgebrand het……
Dalk moet hulle eerder ‘n teëldak opsit as hulle dit herbou. Ons land is bekend vir veldbrande die tyd van die jaar en ‘n GROOT risiko vir plekke met grasdakke.