“Ek het slapelose nagte oor julle gehad.”
Só het pres. Cyril Ramaphosa Sondagoggend aan die groep Suid-Afrikaners by The Ranch Hotel in Limpopo gesê voordat hulle Maandag na hul onderskeie provinsies vervoer sal word. Die groep van 112 se verpligte kwarantyn van 14 dae is eindelik verby nadat die president hulle vroeër vandeesmaand uit Wuhan, China, gerepatrieer het.
“Ek is so bly dat julle terug by die huis is, maar ek is ook bly dat julle koronavirusvry is,” het Ramaphosa gesê. Die groep het almal negatief vir die nuwe koronavirus (Covid-19) getoets.
Ramaphosa het gesê hoewel dit nie ’n maklike taak was om die groep uit Wuhan te bring nie, het die regering nie vir ’n oomblik geskroom hulle terug te bring huis toe nie. “Ek het trane in sy oë gehad toe julle in Suid-Afrika land, van die vliegtuig afklim en in die busse klim [op pad na die kwarantynfasiliteit],” het die president oor hul tuiskoms gesê.
Ramaphosa het die Suid-Afrikaanse Nasionale Weermag asook die betrokke departemente waaronder dié van gesondheid, internasionale betrekkings, binnelandse sake, vervoer en publieke ondernemings bedank vir die aandeel wat hulle in “Operation Evacuate” gehad het.
Ramaphosa het sy besonderse dank teenoor die gesondheidswerkers en bemanningslede uitgespreek wat die groep in Wuhan gaan haal het. Hy het ook die groep Suid-Afrikaners bedank dat hulle bereid was om in kwarantyn geplaas te word en dissipline oor die laaste twee weke gehandhaaf het.
Volgens Ramaphosa dien dié groep as ’n voorbeeld dat Covid-19 bekamp kan word deur ’n algehele landwye afsondering. Die groep het meer as 50 dae lank in afsondering in Wuhan gebly voordat hulle na Suid-Afrika teruggekeer het.
Ek het ook trane in my oë vir die verspeelde geld wat gebruik is om hierdie mense, wat uit eie vrye wil Wuhan toe is, terug te bring. Dis geld wat baie beter gebruik kon gewees het om veral die armes en haweloses sonder water en kos, by te staan.
Bella, ek stem 100% met jou saam.
En die hele lot gaan tien teen een terug soontoe!
Te oordeel aan die land se samewerking, defnitief ja!
Ek is bly almal is veilig en gesond. Noukan na hulle geliefdes terugkeer en n drukkie kry wetend dat geen steen onaangeraak is om hulle en ons te beskerm nie.
dis net our people op die fotos. waarom werk hulle dan ook in China? danksy regstellende aksie is daar dan werk vir hulle in SA