Beurtkrag sal op Oujaarsdag tot 16:00 toegepas word, waarna dit opgeskort en eers op 2 Januarie weer hervat sal word.
Eskom het bekend gemaak dat daar soos op Kersdag ook nie op Nuwejaarsdag beurtkrag toegepas sal word nie.
Fase 4-beurtkrag sal van 16:00 vandag af geld en tot 05:00 Saterdag voortduur. Hierna sal fase 2-beurtkrag tot 16:00 op Oujaarsdag toegepas word voor beurtkrag opgeskort word.
Fase 2-beurtkrag sal weer om 05:00 Maandagoggend tot verdere kennisgewing ingestel word.