Gekaapte vragmotor in Brakpan opgespoor

Argieffoto

Argieffoto

ʼn Vragmotor wat 24 ton staal vervoer het, is in Brakpan in Gauteng opgespoor.

“Die berede eenheid van die Ekurhuleni metropolisie het Saterdagoggend vroeg die vragmotor op die R23 Heidelberg-pad opgespoor,” het hoofsuperintendent Wilfred Kgasago, woordvoerder van die Ekurhuleni metropolisie, in ʼn verklaring gesê. “Die vragmotor was verlate en die vrag was steeds op die voertuig.”

Die gekaapte bestuurder is in Balfour in Mpumalanga afgelaai. Die eienaar van die vragmotor het bevestig dat sy bestuurder Saterdagoggend vroeg in Vereeniging gekaap is voordat hy in Balfour afgelaai is. “Die 24 ton rolle staal op die vragmotor is nie gesteel nie,” het die eienaar gesê. “Die oortreders het vermoedelik kouevoete gekry en die vragmotor verlaat.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Chris Januarie ·

Hulle kon seker nie ‘n afsetmark vir daai vrag kry nie. Moontlik nie eens geweet wat dit was toe hulle dit gesteel het nie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.