Giovanni (18) sterf ná terugslag in hospitaal

Giovanni Hendriks (Foto: Verskaf)

Giovanni Hendriks, die 18-jarige seun van Pretoria wat in Maart met Guillain-Barré-sindroom gediagnoseer is, het Maandagoggend in die Kalafong-hospitaal in dié stad gesterf.

Giani Hendriks, Giovanni se pa, het die tragiese nuus aan Maroela Media bevestig.

Giani en sy vrou, Elize, moes verlede week die hartverskeurende nuus ontvang dat dokters niks meer vir hul tienerseun kon doen nie. Dit nadat Giovanni omtrent twee weke gelede in die hospitaal aan kos verstik en van die kos in sy lugweg en longe beland het. Dit het daartoe gelei dat sy hart gaan staan het.

Giovanni kon genadiglik bygebring word, maar sy brein het ná die voorval begin swel en dokters kon nie weer die swelling onder beheer bring nie. Giovanni was in die tyd aan ʼn ventilator gekoppel en onder verdowing.

Maroela Media het vroeër berig Giovanni is in Maart in die hospitaal opgeneem nadat hy aanvanklik oor ʼn seer keel gekla het en ʼn uur later glad nie meer kon beweeg nie. Hy is met Guillain-Barré-sindroom gediagnoseer, die tweede keer in sy lewe dat hy dié sindroom opdoen. Die eerste keer was agt jaar gelede en hy het destyds ten volle herstel.

Hy het dié keer ook merkwaardig goed van die sindroom herstel en sou binnekort uit die hospitaal ontslaan geword het toe hy verstik het.

Begrafnisreëlings is nog nie bekendgemaak nie.

Lees alle vorige berigte oor Giovanni Hendriks op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Heksie

Rus in Vrede kinta …
Sterkte aan jou ouers, familie en vriende

Heidi

Ai dis hartseer, so gehoop dit sou beter gaan. Baie sterkte aan geliefdes. RIP

Sandra

Ai dis so hartseer. GB is Baie ernstige siekte. Baie sterkte aan sy familie

Magda

Ons innige simpatie en baie sterkte aan sy Familie. Rus Sag in GOD se Arms.

Bia

Baie jammer en sterkte aan sy familie.