Gʼn water, gʼn krag en gʼn Gautrein

(Argieffoto: Gautrein)

Die Gautrein moes Vrydagoggend noodgedwonge treindienste tussen die Midrandstasie en Parkstasie, asook vanaf Sandton-stasie na die OR Tambo-stasie weens ʼn kragonderbreking opskort.

Pendelaars is gevra om tot verdere kennisgewing van alternatiewe vervoer gebruik te maak.

Dít terwyl Eskom Donderdagaand aangekondig het dat beurtkrag van 22:00 tot 05:00 vanoggend ingestel word. Die kragvoorsiener het vroeër in die week gewaarsku die kragnetwerk is onder groot druk en dat beurtkrag ingestel kan word as sy noodreserwes uitgeput raak. Hy het gesê ondanks sy beste pogings het hy geen ander keuse gehad as om die ligte af te sit nie.

Eskom het gewaarsku die moontlikheid is boonop groot dat beurtkrag ook vandag in werking gestel kan word as opwekkingseenhede nie soos beplan oornag aanlyn kom nie.

Teen vanoggend is geen nuwe aankondiging nog oor moontlike beurtkrag gedoen nie.

Intussen het die Tshwane-metroraad aangekondig die Laudium-reservoir se vlak het die afgelope paar dae beduidend gedaal. Dit was teen gisteraand op ʼn skamele 4%.

Die Klapperkop-reservoir het teen gisteraand op 34% gelê en die vlak van die Heights HL-reservoir staan op 15%. Die normale bedryfsvlakke van die reservoirs is 60%.

Die metroraad het gevolglik besluit om watertoevoer na verskeie gebiede wat deur die reservoirs bedien word van 22:00 tot 06:00 vanoggend te sluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Peet

Dumbing down in progess..

Ig

Thea, as Eskom so suksesvol soos die Bokke was kon ons daaroor ook ge-party het.

sdp

Ja ne, al saam staan wat ek sien, is die staan en wag vir bok bus. Verder neuk als maar steeds die gutter af

Stof

Baie dankie aan die tegnici wat onverpoost hulle beste doen om die nodige rehstelkings te doen. Té dikwels, word die tegnici onder dieselfde kan as enkele bestuurslede geskeer en saam as inbevoeg beskryf.
Vandag egter: My openlike eer en waardering aan die tegnici. Dit is wel deie bestuur se tonge wat die groot geraas maak, maar dit is julle hande en lang ure, wat die stelsels opperasuoneel hou.
Een groot veertjie vir die blouboordjie manne. Die witboordjie saamryers, kan by julle iets van integriteit jom leer.

Jacques

En val alles in duie . Ek stem saam Thea , die mense wil net “Party” . Hoekom is daar altyd mense wat nie daarvan hou dat alles reg is en werk in die land nie ? Hulle hou meer van van goed uit mekaar val of glad nie werk nie . Shame man , kom by aub .