Gr. 7-leerder neem eie lewe

skool-skoolskoene-onderwys

’n Gr. 7-leerder van Laerskool Lynnwood het Maandagaand haar eie lewe geneem.(Argieffoto ter illustrasie)

’n Gr. 7-leerder van Laerskool Lynnwood in Pretoria-Oos het Maandagaand haar eie lewe geneem.

Steve Stolk, skoolhoof, het dié hartseer nuus Dinsdag in ’n omsendbrief met ouers gedeel.

“Ons harte is gebreek en ons bid vir vertroosting vir haar ouers, broer en suster, familie en vriende.”

Stolk sê dat hy self die nuus Dinsdag aan die gr. 7-leerders oorgedra het, waarna ds. Immanuel van Tonder van die Lynnwood-gemeente met hulle gepraat het. Die skool het ook ’n berader beskikbaar gestel om individuele ondersteuning aan leerders te bied.

Luidens die omsendbrief is ouers van gr. 7-leerders in kennis gestel dat hulle hul kinders by die skool kan gaan haal indien nodig. Die skool sê dat hulle nie die gebeurtenis met gr. RRR tot gr. 3-leerders gedeel het nie.

Stolk het verder aangedui dat die skool ’n foto van die leerder in die voortuin sal plaas waar blomme of briefies ter nagedagtenis neergelê kan word.

“Wees lief vir jou kind en maak seker julle praat elke dag met mekaar oor dít wat regtig saak maak. Bid asseblief vir ons,” het Stolk van ouers gevra.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Miskruier

Hoe hartseer.

Ria

Sjoe dis bitterlik hartseer. Sterkte aan al die familie en vriende.

Mieke

My innigste meegevoel met die ouers, broers en susters.. Mag julle vertroosting by die Here vind. Baie sterkte gedurende hierdie hartseer tyd.

Veronica

jis hoe krimp my hart ineen so bitter jonk en so GROOT besluit wat geneem is , my hart gaan uit aan die ouers en familie, wat ‘n tragiese gebeurtenis en ek dink daar is soveel vrae – sterkte aan ALMAL betrokke want so ding het ‘n helse rippel effek

Irma

Sjoe, wat het in haar lewetjie gebeur wat haar tot so ‘n drastiese stap gedryf het? Sterkte aan die familie.