Pres. Cyril Ramaphosa. (Foto: @MYANCA/Twitter)
Groot afwagting heers vir die lig wat ʼn toespraak deur pres. Cyril Ramaphosa môre in Kimberley kan werp op verskeie kwessies wat Suid-Afrika teister.
Ramaphosa sal die ANC se jaarlikse verjaardagboodskap in die Diamantstad lewer en veral sy uitsprake oor Eskom, grondhervorming en die Nasionale Gesondheidsversekering maak groot belangstelling gaande.
Die ANC is op 8 Januarie 1912 in Bloemfontein gestig en die afgelope paar jaar word die Saterdag direk ná 8 Januarie gebruik om ANC-beleidsprioriteite vir die daaropvolgende jaar uit te stippel en die reaksie daarop te toets.
Die idees word dan verder ontwikkel tydens die staatsrede en vind uiteindelik beslag in die begroting.
Wat Eskom betref is geen saakmakende ekonomiese groei in Suid-Afrika moontlik solank die kragvoorsiener nie sy elektrisiteitsvoorsieningsvermoë verhoog en beurtkrag beëindig nie.
Eskom het nou ʼn nuwe hoofbestuurder – André de Ruyter – maar niemand weet nog wat sy planne, indien enige, is nie. Ramaphosa het boonop onlangs sy naam met ʼn plank geslaan toe hy in Desember beloof het daar sal geen beurtkrag voor 13 Januarie wees nie – en daar wás.
Oor grondhervorming wag die hele land op die bewoording van die ANC se voorstel vir die wysiging van art. 25 van die Grondwet om onteiening sonder vergoeding te vereenvoudig. Die aard van die bewoording kan die toekoms van eiendomsreg in Suid-Afrika bepaal.
Die instel van die voorgestelde Nasionale Gesondheidsversekering is ʼn verdere brandpunt. Waarnemers sal fyn oplet of Ramaphosa die instel van die omstrede stelsel afstel of selfs net vertraag gegewe die katastrofale gevolge van die stelsel se loodsprojekte.
Verdere omstredenheid het nou uitgebreek met die nuus dat die weermag glo ontplooi is in die township Galashewe neffens Kimberley. Die leier van die VF Plus, dr. Pieter Groenewald, het reeds gewaarsku dat dit onwettig sou wees en dat Ramaphosa as hoofaanvoerder van die weermag self aanspreeklik sou kon wees indien dit die geval is.
En nou wil Tito ook nog cannabis gewettig hè. Hoop hy ons gaan die ekonomie sodoende vinniger vorentoe kan neem na die afgrond en klaar kry met die treurmare?
Ek kan nie wag vir sy voordrag van die jongste fopnuus wat aan hom vertel is nie, varsgebekkig wat glinster van diamante en vol beloftes om ons gelukkig te hou. Moet ons nie verdeel deur fopstories oor grondgrype nie. Hy moet vertel van versoening en sy vergesigte oor die nuwe Super Stad. Die Brulpadda olieveld. Hy moet hom net nie oor Eskom en Jan van Riebeeck uitlaat nie, nie die ekonomie en die groeikoers nie, ook nie oor Piet Retief nie, en as Venda vertrou ek hy sal die deugde van die Venda besing en nie stories van die Zulus se geskiedenis vertel wat die toespraak oorheers nie.
En hy gaan hulle die gruwelike realiteit meedeel dat daar bevind is verlede jaar (2019) was sakevertroue die swakste sedert 1985! Dit nou onder SY se waak.
So terloops, Jan-Jan, die weermag is toe sommer tjoef-tjaf, blitsvinnig, onttrek
Maak nie saak wié aangestel is as hoof van Eskom..ons moes gereeld “preventitive maintenance” doen op ons toerusting. Dis oor baie jare nie gedoen by Eskom, finish en klaar!
Ek stem saam. Daar is geen diensskedules. En die onbevoegdheid spreek boekdele
Sal seker net weer praat oor hoe sleg en boos witmense is en hoe elke sielsalige ding wat fout is in die land, ons skuld is.
Wonder of hulle 25jr se flop wil vier. Wat n sirkus, mors van geld plaas van in die ekonomie instoot nou die dag nie geld gehad vir niehaus se pay nie
Ek verstaan nie wat mense teen Nasionale Gesondheidversekering het nie, dit het al bewys dat dit werk in verskei lande as dit natuurlik reg geimplementeer word. Die idee is gesonder werkers beteken beter produktiwiteit en meer wins vir die private maatskappye en dus meer Persoonlike en “Corporate* belasting vir die Regering wat beteken n sterker ekonomie mense!!
Idees word ontwikkel…. Bwah hahahahaha haaaa hahahaha idees! Dis nog nie April nie, is dit?
Nuwe jaar nuwe leuns, gelukkig het hy miljoene niks vermoedende volgelinge wat blindelings aan sy tong gaan hang!
Jip in Kimberley is hulle, die week is die graf van Sol Plaatjie besoek en die mense opgetrom vir die groot toespraak vandag. Huisbesoeke is gedoen. Die vure gaan brand, Amandla … Amandla! ….. A,mandla!!! En dan gaan hy hul deugde en suksesse van die verlede besing, hoe hulle tenagekom is en hoe hulle nou daar in die provinsie eerste grond gaan gryp!
Kan nie ‘n woord glo wat Ramapadda vir julle gaan opdis.
Ek is nie eens ANC nie, maar ek kan nou al toe-oë sy toespraak vir hom skryf, daar waar hy dit in Kimberley gaan voordra. (En na Tito se twiet oor Marijuana.)