Groot soektog ná twee uit Pretoria-tronk ontsnap

(Foto: pixabay)

Die departement van korrektiewe dienste (DKD) het ʼn reusesoektog in samewerking met die polisie van stapel gestuur nadat twee gevangenes uit die Kgosi Mampuru- korrektiewe sentrum in Pretoria ontsnap het.

Singabakho Nxumalo, woordvoerder van die DKD, het gesê Thabo Zacharia, ʼn Mosambieker wat ʼn lewenslange vonnis uitdien vir onder meer verkragting, roof en ontvoering, asook Johannes Chauke, ʼn Zimbabwiër wat 20 jaar tronkstraf uitdien vir onder meer huisbraak, is soek.

“Die twee is steeds op vrye voet en die noodondersteuningspan van die DKD werk nou saam met die polisie en is op hulle spoor. Die voortvlugtendes sál weer agter tralies beland,” het Nxumalo gesê.

Die DKD het ook reeds ʼn interne ondersoek na die ontsnapping gelas.

“Lede van die publiek word gevra om hul naaste polisiestasie te bel as hulle enige inligting oor dié twee het,” het Nxumalo gesê.

Die DKD het geen besonderhede bekend gemaak oor hoe presies die twee uit die tronk ontsnap het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Andre

So gaan dit in SA.

Phillip

Dis maklik of omkoop geld of vir hulle die verkeerde sliutels gegee of hulle vernom

Agter die skerms

Kry hulle net en sit hulle terug agter tralies. Iewers het mense sleutels wat verlore raak en mense net perongeluk ontsnap.

Jakes

Gegewe die aantal ontsnappings in 2020 kan dit seker nie te moeilk wees om so iets te beplan en uit te voer nie.

Boer

Plaas fotos van hulle op die berig sodat die mense hulle kan uitken!!!!!!!!!!!!!!