(Foto: Verskaf)
ʼn Egpaar van Moedwil in Noordwes het die afgelope week die skok van hul lewe gekry toe hulle ʼn krokodil in hul swembad gewaar.
Die Wild Heart Wildlife-stigting het Vrydag foto’s van die krokodil op sy Facebook-blad geplaas. Angel en Jaco Breytenbach het glo die oggend eers hul veiligheidskameras nagegaan voordat hulle hul honde uit die huis gelaat het. Dis toe dat hulle die reusekrokodil in hul swembad ontdek het.
In ʼn video wat op die stigting se Facebook-blad geplaas is, kan gesien word hoe natuurbewaarders die krokodil met behulp van ʼn tou om sy bek uit die swembad haal.
“Verskeie diere het tydens die swaar reën wat deur sikloon Eloise veroorsaak is die koers byster geraak. Ons dink hierdie krokodil kom van ʼn nabygeleë rivier,” lui die stigting se inskrywing op Facebook.
“Die krokodil is veilig uit die swembad verwyder en na ʼn veilige plek geneem. Die departement van natuurbewaring sal hom Maandag onder oë neem en dan in sy natuurlike habitat vrylaat,” lui die plasing.
Die stigting het lede van die publiek gewaarsku om nie self te probeer om wilde diere te red of te verwyder nie en liefs professionele hulp te ontbied.
Ek beskyt my
O aarde. ek skrik my in ‘n koma.
Liewe hel ek sal ‘n beroerte kry van skrik maggies!
Jy sal net ‘n nat kolletjie kry ……
Aan wie behoort die krokodil, dalk n krokodil boer.
Niemand is seker nie. Hy weier om te praat.
Lol
LOL!!!!!!!!!
Skerp!!
Die krokodil behoort aan ons Hemelse Vader. Ek kan net dink hoe die arme dier moes voel in swembad water. Ek hoop hy word weer veilig na sy natuurlike blyplek gestuur.
Hulle het die kinders nie vroeg more kostuum aangetrek en gaan goof sonder om te kyk. Praat van op water loop!
Jammer ek is dom,maar is daar krokodille in noordwes.Ek dog jy kry hulle net in Oos vloeiende riviere.Is daar krokodille in die Oranjerivier wat Wes vloei.Kry ‘n mens in die Vrystaat krokodille.Ek praat van krokodille in hulle natuurlike habitat en nie waarmee geboer word nie.
Krokodille leef nie in die Vrystaat nie en ek glo ook nie verder af in die Kaap provinsie nie wat dit is te koud. Ek is seker noordwes se klimaat is lekker warm vir hulle. Sover ek weet is die Koster Rivier ook daar naby Moedwil.
Eerste keer wat ek hierie ene hoor Casper. Ek dink egter nie krokodille het dieselfde rigting-aanleg as vliegduiwe nie.
Hier is baie water wat afkom in riviere weens die baie reën en oorstromings – die krokkedil het waarskynlik perongeluk weg gespoel saam met die water.
Ek weet van ‘n plek naby Carletonville wat krokodille aanhou, maar die berig sê nie waar in NW die krokkie gekry is nie
Soos ek dit verstaan is dit in Moedwil NW
Waar in Carletonville, Henk?
Jy praat tog seker nie van die Crocodilian in Fochville nie.
Kry die dbv mense om hom te vang, bly weg van die sap, hul sal n geitjie vang en hom slaan tot hy erken hy is n Krokodil.
N plathond is die beste waghond wat jy kan kry
Stel jou voor, jy kom op ‘n warm somersaand tuis en stap uit die garage uit, pluk jou klere af en jy duik in die swembad in. Jy beter nie ‘n krokvel aktestas in jou hand gehad het nie want dit kan dalk die een in jou swembad se sussie gewees het. O bloed, ek sit die creepy op hom.
Ook maar goed die swembad was mooi skoon!
Dis nou ‘n monster van ‘n swembad-skoonmaker!
Die outjie het net groener weivelde… uh, skoner water (!) gesoek nadat sy vrou hom weggejaag het!
Ek droom baie keer van krokodille in ons swembad. Gelukkig het dit nog nie waar geword nie!
DIT was my kindervrees gewees. Ek het eenkeer ‘n stupid fliek gekyk genaamd Aligator, en die krok het grootgeword in ‘n stormwater drein en toe hulle hom probeer vang, het hy in ‘n swembad geskuil en kinders het by ‘n partytjie “walk the plank” gespeel en die laaste ding wat die outjie gesien het was die krok se bek en toe is die hele swembad rooi. Tipies fliek, maar ek was angsbevange en kon nie meer in ‘n swembad swem nie. Ek klim nou nog nie in ‘n swembad tensy hulle alles uithaal nie – Kreepy Krauly the works. Moral of the story – vrese word waar!!!
Pandora, jy praat asof uit my eie mond. Die einste fliek Aligator laat my ook nie naby ‘n kreepy kom nie. Ek het die film gesien toe ek nog op laerskool was en het ‘n heilige vrees vir damme en riviere, selfs die see (te danke aan Jaws). Ek swem nêrens waar ek nie my voete kan sien as ek staan nie. Sal maar moet uitkyk vir swembaddens ook in die toekoms lyk my…☺
Lekker lag ek nou. Dit klink asof natuurbewaring hom gaan vra waar hy vandaan kom en hom dan daar ‘in sy natuurlike habitat’ sal vrylaat.
Die arme ding, net ‘n onskuldige wese wat die pad letterlik byster geraak het. Nes ons liewe parlemenstlede, minus die onskuld.
Gelukkig kyk die mense eers voor hulle die honde uitlaat. Met só ʼn troeteldier in jou erf sal jy nie eens besoekers kry nie, wat nog van inbrekers! Dis dalk ʼn pad wat ons in die toekoms kan oorweeg as ons veiligheid verder verinneweer word.
Daai creepy gaan nie net die stof opsuig nie!!