Heyneke Meyer het bedank

Heyneke Meyer. Foto: Twitter

Heyneke Meyer. Foto: Twitter

Die Springbok-afrigter Heyneke Meyer het bedank.

Volgens die Suid-Afrikaanse Rugbyunie (Saru) het Meyer te kenne gegee dat hy nie langer as kandidaat oorweeg wil word om die Springbokke af te rig nie. Meyer het die besluit aan Saru gekommunikeer na afloop van ʼn vergadering met Oregan Hoskins, Saru-president, en Jurie Roux, Saru se uitvoerende hoof.

Meyer het gesê die besluit is volgens hom in die beste belang van Suid-Afrikaanse rugby. Die Springbokke het onder Meyer se afrigting 34 oorwinnings behaal. Hulle het twee wedstryde gelykop gespeel en 14 wedstryde verloor.

“Ek het in my tyd as afrigter altyd die Springbokke eerste gestel en sedert ons terugkeer van Engeland af het ek besef dat, hoewel ek glo ek nog het baie om te bied, die tyd vir verandering aangebreek het,” het Meyer gesê.

“My integriteit is nog altyd baie belangrik en ek voel ek verlaat die span met my kop omhoog. Ek hou nog altyd vol dat my enigste motivering was om my land te dien en om te doen wat die beste is vir die Springbokke.

“Ek het my tyd as Springbokafrigter baie geniet hoewel dit by tye baie stresvol was en veral druk geplaas het op my gesin, en ek wil hulle graag bedank vir hul volgehoue ondersteuning die afgelope vier jaar. Ek het my hart en siel in my werk gesit en my bes gedoen.”

Hoskins het Meyer bedank vir sy diens aan Suid-Afrikaanse rugby. “Ons het in baie maniere ‘n natuurlike waterskeiding bereik met ‘n beduidende aantal senior spelers wat uittree of oorsee gaan, sowel as die feit dat ons strategiese transformasieplan nou in volle swang is,” het Hoskins gesê.

“Heyneke het sy alles vir die Springbokke gegee en dit was ‘n groot plesier om met so ‘n passievolle Suid-Afrikaner te werk. Daar was baie hoogtepunte gedurende sy tyd as afrigter en dít is die oomblikke wat ons sal onthou. Hy het ook baie hoë standaarde vir homself, sy bestuurspan en sy spelers gestel en hy was en bly ‘n aanwins vir Suid-Afrikaanse rugby.”

Saru het gesê daar sal onmiddellik begin soek word na Meyer se opvolger.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Hanti Smith

Snorre gaan seker weer nader geroep word.

louis

Nou begin die kompetiese tussen bafana bafana en die proteas aka springbokke.

elizabeth

ek dink om ‘n bok afrigter te wees is baie soos om ‘n dominee te wees. ‘n deel sal altyd met jou fout vind en ‘n deel sal altyd met jou tevrede wees. En dan sal die deel wat met jou fout vind wen want hulle is oor die algemeen evil, en dan sal iemand anders in jou plek kom, en dan sal die hele siklus weer van vooraf begin.

Bok-Bok

Die regte ding om te doen, Heyneke. Sterkte met jou toekoms.

Rupert Ashford

Baai-Baai Bokkie…