Brandbestryders het ʼn hond van die dak van ʼn gebou by die Universiteit Stellenbosch gered. (Foto: Twitter / @StellMun)
Brandbestryders het Maandag ʼn hond van die dak van ʼn gebou by die Universiteit Stellenbosch gered.
Dit is onduidelik hoe lank die brakkie op die dak van die fakulteit vir ingenieurswese vasgekeer was, óf hoe sy daar beland het. Die gebou is vier verdiepings hoog.
Die Stellenbosch-munisipaliteit het foto’s van voorval op Twitter geplaas en gesê dat die hond “stabiel” en tans in “veilige pleegsorg” is.
Yesterday the Stellenbosch Municipality Fire Department rescued a dog that was trapped on the roof of the Engineering Faculty Building of the Stellenbosch University. pic.twitter.com/dtzTmGRxeT
— Stellenbosch Municipality (@StellMun) January 4, 2022
“Dit is steeds onduidelik hoe die hond toegang tot die dak verkry het, of hoe lank sy daar bo was. Dit is egter duidelik dat sy geruime tyd op die dak vasgevang was.”
Prof. Wikus van Niekerk, dekaan van die fakulteit, het in reaksie op die munisipaliteit se twiets gesê die fakulteit sal die hond se kos vir ʼn jaar lank borg.
She is currently in a stable condition and recovering at a safe foster home.
Thanks to the Stellenbosch Fire Department and all the volunteers involved in this rescue! pic.twitter.com/CYJKe82xL1
— Stellenbosch Municipality (@StellMun) January 4, 2022
Die munisipaliteit het die Stellenbosch-brandweerdiens en vrywilligers vir hul betrokkenheid by die hond se redding bedank.
Die hond wat gered is. (Foto: Twitter / @StellMun)
Wat ‘n pragdier!! So bly sy is veilig
Sjoe sy is pragtig, maar hoe in de lewe het sy daar gekom. Het hulle dalk toegang tot die dak?
Shame, sy lyk vreeslik maer. Bly sy is nou gered en veilig
Mens dink iemand moes haar daarheen gevat het! Dankie dat Prof haar kos so mooi borg. Ek hoop sy kan gesteriliseer en ingeënt ook word. Mense (wreed!) raak moedeloos as tewe op hitte kom en hulle kon dit nie voorkom nie. Dit gaan egter ʼn tydjie neem voordat haar kondisie goed genoeg is vir sterilisasie.
Mag sy verder ʼn lang, koninklike lewe lei!!
Die wind is partykeer baie sterk in die Kaap…
Sy het die dak inspekteer. Seker gemaak die ingenieurs het hul werk ordentlik gedoen