Hoof van hospitaalgroep bedank, emigreer

Dr. Shrey Viranna (Foto: Life Healthcare/Twitter)

Dr. Shrey Viranna, die uitvoerende hoof van Life Healthcare, het Vrydag sy bedanking met onmiddellike inwerkingtreding aangekondig.

“Dr. Viranna gaan binnekort na Australië emigreer om persoonlike redes,” het die hospitaalgroep in ʼn verklaring gesê. Viranna het hom in 2018 by Life Healthcare aangesluit.

Viranna sê hy neem nié sy bedanking ligtelik op nie. “My vertrek is ʼn moeilike maar baie persoonlike besluit en ek verlaat die maatskappy met groot hartseer.”

Pieter van der Westhuizen, die groep se huidige finansiële hoof, is nou as waarnemende uitvoerende hoof van die groep aangestel. Viranna sal egter tot 29 Februarie aanbly as spesiale raadgewer by die maatskappy om ʼn gladde oorgang te verseker.

Luidens die verklaring is Van der Westhuizen reeds 20 jaar by die groep waarvan hy die afgelope vyf jaar as finansiële hoof opgetree het.

“Van der Westhuizen het uitgebreide ondervinding in die bedryf asook by Life Healthcare en het reeds voorheen as uitvoerende hoof opgetree. Hy bied onmiddellike strategiese, bedryfs- en leierskapkontinuïteit vir die onderneming met die aanvang van die nuwe jaar,” sê Mustaq Brey, voorsitter van die hospitaalgroep se raad.

“Dr. Viranna het tydens sy ampstermyn onberispelike leierskap vertoon. Ons besef dat hy ʼn baie persoonlike gesinsbesluit geneem het en ons respekteer dit,” lui die verklaring.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
jaco

Sy velkleur is “reg” dat hy kan bly en sal heelbo uitkom. Dis baie vreemd dat hy emigreer.

Werner

Seker bang vir die nuwe gesondheids wet wat kom

Melanie

Sover my kennis strek word daar verwag dat die nuwe gesondheids wet teen 2026 in werking sal tree. Teen die spoed wat ons land homself huidiglik op die afdraende pad bevind, wonder ek of dié nuwe wet ooit aan die gang sal kom. Daar gaan nog baie water onder die brug loop voor 2026.

Lou

Dit is die gevolge wat misdaad en korrupsie het. Opgevoede mense is keelvol vir die land en sy patetiese verskoning vir ‘n regering. Hulle gaan soek hulle heil elders. Afgesien van velkleur en status.

Koos B

Spring boet die skip sink !