Die polisie in Limpopo het ʼn soektog van stapel gestuur ná ʼn groep verdagtes vroeg Woensdagoggend op ʼn plaas toegesak het en items ter waarde van meer as R100 000 gebuit het.
Volgens brig. Hlulani Mashaba, polisiewoordvoerder, het die verdagtes die plaas binnegedring terwyl die 30-jarige slagoffer aan die slaap was.
“Die verdagtes het die slagoffer met ʼn mes en ʼn skroewedraaier gedreig terwyl hulle geld en vuurwapens van hom geëis het.
“Hulle het die huis byna leeg geplunder en items soos televisiestelle, klere, selfone, skootrekenaars, yskaste en kontantgeld geroof. Daarna het hulle van die toneel gevlug,” sê Mashaba.
“Die polisie is net ná 04:00 na die toneel ontbied waarna ʼn saak van roof aanhangig gemaak is. Al die gesteelde items is na bewering ongeveer R147 650 werd.”
Enigiemand met inligting wat tot die inhegtenisneming van die verdagtes kan lei, word versoek om die ondersoekbeampte, sers. Tshifhiwa Netshia, by 066 263 4915 te bel.
Polisie ondersoeke duur voort.
Dis glo mode om te plunder! “Starts at the top”.