Die Mogale City- plaaslike munisipaliteit wat Krugersdorp, Magaliesburg en Muldersdrift insluit, het glo sonder enige openbare deelnameproses stootskrapers ingestoot ter voorbereiding van ’n informele nedersetting op ’n gedeelte van die plaas Steenekoppies buite Krugersdorp.
Die VF Plus sê die boeregemeenskap van Steenekoppies is ontstoke oor die munisipaliteit se planne met dié stuk waterryke landbougrond langs die R400. Dit is boonop slegs ’n klipgooi van die Maropeng-sentrum, die amptelike besoekersentrum vir die Wieg van die Mensdom-wêrelderfenisgebied.
Die party het nou ’n dringende skrywe aan Francis Makgatho, die burgemeester van Mogale City, gerig waarin daar versoek word dat alle werksaamhede summier gestaak word en die munisipaliteit eers verseker dat alle munisipale regulasies asook die nodige openbare deelnameprosesse gevolg word.
Tjaart Steenkamp, VF Plus-raadslid by die munisipaliteit, sê in ’n verklaring die inwoners van die beplande nuwe informele nedersetting in Steenekoppies is óók nie gelukkig om op grond meer as 20 km buite die dorp gehuisves te word nie, aangesien daar geen werksgeleenthede is nie en dit ver van hul huidige werksplekke is.
Dié inwoners is afkomstig van ’n informele nedersetting in West Village buite Krugersdorp wat deur die munisipaliteit ontruim en platgestoot is. Gesinne word nou in verskeie munisipale geboue in Krugersdorp gehuisves.
Om sake te vererger, kon die VF Plus reeds vasstel dat geen omgewingsimpakstudies vir voornemende dorpstigting gedoen is nie en dat die beplande nedersetting nié deel vorm van die munisipaliteit se geïntegreerde ontwikkelingsplan (GOP) nie.
“Tydens ’n driftige openbare vergadering verlede Saterdag was gemeenskapslede, wat reeds op die grond woon en glo eienaarskap belowe is, asook omliggende boere, dit eens dat hulle deur die munisipaliteit geboelie word. Mogale City se burgemeesterskomiteelid vir behuising, Bongani Nkosi, wat die vergadering gelei het, moes die vergadering verdaag en het aangebied om vrae skriftelik te beantwoord,” vertel Steenkamp.
Die VF Plus meen die besluit van Mogale City is ondeurdag aangesien daar 2 km verder reeds ’n informele nedersetting gevestig is. Dié nedersetting in Oriënt Hills het egter geen basiese dienste nie en inwoners is gereeld in opstand en versper die pad na Maropeng en die Golden Harvest-tehuis vir bejaardes met klippe.
Die party sê hy gaan die Gautengse LUR vir samewerkende regering en tradisionele sake (Cogta), Lebogang Maile, versoek om in te gryp en die situasie te beredder.
Wat de hel …hulle sal seker die grond eet….
Eish…
Hulle sal moet sodra hulle agtergekom het jy kan nie geld eet nie.
Gaan kraam sale bou.
As iemamd ooit gewonder het of die ANC massa besettings gebruik om onstabiliteit te bewerk…al vir jare! Kyk hoe lyk die Kaap. Selfde strategie orals waar hulle massas ongeskoolde onekonomiese hordes kan “dump”.
Hulle sal maak soos hulle wil .
Dit is iets wat ons meer en meer gaan sien. Die MENSE verstaan nie v impakstudies ens, nie. Ou Malema het nie verniet gaan tee drink nie. Daar is groot planne vir SA.
Ongelukkig nie wat jou en vir my gaan bly of positief maak nie
Plant jouself en groei eish en kla nog oor als óók. Hel nee waar gaan dit eindig? Hulle plak op enige plek enige tyd genade
Die arme mense wie protesteer mors hulle asem en tyd
Die anc voel niks vir hulle nie en is soos stoomroller en vee alles plat voor hulle.
En so sal die ANC al die kosbare erfenisgebiede verwoes. Dink hulle is verhewe bo die wet, want hulle kom mos nooit iets oor nie.
Natasha, hulle is lankal verhewe bo die wet!
Zuma stel lankal daai swak voorbeeld!
Weer eens skep hulle hul eie hongersnood
“Wieg van die mensdom ” en nou miljoene jare later kry hy sy eie “Informele Nedersetting”.
Skande vir die mensdom dat na soveel derduisende jare daar geen kollektiewe daadwerklike vordering gemaak is nie.
Daar is inderdaad n lang lys van mense deur die eeue
heen tot huidiglik wat n rol van selfsigtigheid en eie gewin hierin gespeel het en nog steeds.