Inheemse bome in Kaapstad gestroop

Gestroopte koorsbom (Foto verskaf deur Stad Kaapstad)

Stad Kaapstad het Dinsdag die onwettige stroping van die bas van inheemse bome veroordeel wat uiteindelik duisende bome in Kaapstad se openbare ruimtes kan vernietig.

Zahid Badroodien, burgemeesterskomiteelid van gemeenskapsdienste en gesondheid, het gesê wanneer die bas van die hele omtrek van die boom gestroop word, sterf die boom stadig weens die ontwrigting van hul voedingsbronne. “As die boom slegs gedeeltelik gestroop word, beskadig dit die boom tot só mate dat die groeipatroon beperk word en die boom verswak word. Die boom is dan meer ontvanklik vir droogte en siektes,” het hy verduidelik.

Badroodien het gesê Stad Kaapstad veroordeel die skade wat aan die bome aangerig word wanneer bas onwettig geoes word vir medisinale of kulturele doeleindes. “Ons het ʼn verantwoordelikheid om ons fauna en flora te beskerm en die stad se departement van ontspanning en parke sal onverpoosd werk om die verwoesting van bome te bekamp.”

Hy het gesê Stad Kaapstad het die gemeenskap se hulp nodig om die inligting te versprei en bewusmaking te verhoog. Hy het die gemeenskap versoek om dadelik aan te meld as hulle op ʼn boom afkom wat gestroop is.

Volgens hom het die departement met vrugteboerdery-kenners gesels wat aanbeveel het dat ʼn moontlike regstellende stap kan wees om die bas van, veral koorsbome, met PVA-verf te verf. “Die bas sal dan waarskynlik nie aanloklik wees om geoes te word nie. Die mengsel sal ook nie enige risiko inhou vir die boom nie en is ook nie giftig vir mense nie. Die kleur verf sal ligbruin wees.”

Enigiemand wat ʼn boom opmerk wat gestroop is, word versoek om die stad te kontak by 021 480 700 of stuur ʼn e-pos aan [email protected].

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
PJC

Ek ry daagliks verby hierdie bome wat so beskadig word. Hierdie is maar net deel van die barbarisme wat ons land oorgeneem het. Wat het hierdie ouens voorheen gedoen toe daar nog wet en orde was. Toe het hulle dit seker nie nodig gehad vir medisinale of kulturele gebruik nie so wat het sedertdien verander.

Pop

Niks in hierdie land is veilig nie???

? leser

alles word net vernietig, so sal die wereld nie lank van nou af so vernietig wees dat niks meer sal lewe nie, die “mense” dink nie daaraan nie, net wat vandag vir hom iets beteken, more sal oor homself “worry”

Waarheid

Wat wil hulle nog stroop?
Niks bly oor nie.
Lyk my dis n ingewortelde idiotisme wat nie uitgeroei kan word nie.
Jy kan meer met n klip wat nie kan dink nie uitrig as met hierdie lot.

Adriaan

Volgens SANBI is die koorsboom uitheems aan Kaapstad: http://pza.sanbi.org/vachellia-xanthophloea