IRR verwelkom uitspraak oor dagga

Argieffoto (Foto: Pixabay)

Die Instituut vir Rasseverhoudinge (IRV) het Woensdag die uitspraak in die konstitusionele hof verwelkom dat ʼn persoon in die privaatheid van sy of haar huis dagga mag kweek, besit en gebruik.

Adjunkhoofregter Raymond Zondo het Dinsdag die parlement opdrag gegee om gedeeltes van die Wet op Dwelms en Dwelmhandel en die Wet op die Beheer van Medisyne en Verwante Stowwe binne twee jaar te wysig.

Kelebogile Leepile, woordvoerder van die IRV, het gesê dié besluit is ʼn belangrike stap om die regte van individue te bekragtig om besluite te maak oor kwessies wat hulle en hul lewens raak. “Die uitspraak in die konstitusionele hof is die dun randjie van die vryheidswig wat Suid-Afrikaners vryer maak. Mense moet vry wees om besluite te maak sonder inmenging van die staat of hulle ʼn middel soos dagga in die privaatheid van hul huis wil gebruik of nie, net soos wat hulle kan besluit of hulle alkohol by die huis wil gebruik of nie,” het Leepile gesê. “Dié reg is slegs wettiglik beperk wanneer dit ʼn impak het op ander persone, soos dronkbestuur.”

Volgens Leepile wys die uitspraak die hof glo dat individue beter toegerus is as die staat om besluite oor hul eie lewens te maak. “Individue moet nog verder bemagtig word om besluite te maak oor hul kinders se opvoeding, hul gesondheidsorg, en wie hulle in die parlement moet verteenwoordig.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

64 Kommentare

jongste oudste gewildste
Bettie Fourie

As die gebruik van dagga gewettig kan word,kan genadedood ook gewettig word..

Linda

Hiermee stem ek nie saam nie, want dit bly nie net by dagga nie !!!

Linda

Bettie Fourie ek stem saam met jou !!!

AmY

Oor so twintig jaar mag ons dalk met ‘n spul dowwe, gerookte kinders sit, soos die ouers voor hulle kinders gaan rook.
Geen meer kinders op Universiteit nie.
Dalk gaan almal altyd so ‘gelukkig wees,’ dat hulle gaan vergeet om te betoog en te vernietig.”

Stella Berning

Ja nee daar gaan hy. Dis al klaar n probleem aa intree dwelm. So gee dit saam met al die ander wette wat verander het is daar geen leiers oor 15 jaar . Arme kinders arme ouers.