Jacques Pauw se vermaning oor Ramaphosa

Jacques Pauw, die skrywer van The President’s Keepers, by die bekendstelling van die boek in Pretoria (9 November 2017). Foto: ANA

Die skrywer Jacques Pauw, wie se boek The President’s Keepers so ʼn groot rol gespeel het om die weg voor te berei vir die val van oudpres. Jacob Zuma, het hierdie naweek Suid-Afrikaners vermaan om ewe waaksaam te wees teen vergrype deur sy opvolger, pres. Cyril Ramaphosa.

Pauw het honderde mense in die Stellenbosse studentekerk toegespreek as deel van die Woordfees, wat vandeesweek deur die Universiteit van Stellenbosch aangebied word.

Nadat Pauw uitgebrei het oor die skryf van sy boek en die klopjag deur die owerhede op sy huis verlede week, was dit vraetyd, en sommer die eerste vraag uit die gehoor het die gesprek reguit na die hede geneem: “Wat dink jy van Cyril Ramaphosa? Kan mens hom vertrou?”

Pauw se antwoord was ʼn deurdagte waarskuwing aan die pleitbesorgers van Ramaphoria, diegene wat so eufories hoog opgee oor die nuwe president wat uiteindelik van die Nkandla-ramp ontslae geraak het.

“Sy eerste paar stappe was indrukwekkend. Ek sal hom egter net vertrou sover ek enige politikus sal vertrou. Onthou, hy het Jacob Zuma aangeprys en al die pad langs hom gesit. Nou is die omstrede David Mabuza sy adjunkpresident. Die vraag is hoe hy die wetstoepassingsinstellings van hierdie land gaan regruk, en in watter mate hy diegene wat in die pad gesteek is, gaan terugbring.”

Verlede jaar was meer as een uit elke tien boeke wat in Suid-Afrika verkoop is, ʼn eksemplaar van The President’s Keepers.

Dit het Pauw se rustige lewe as restaurant-eienaar in die Swartlandse dorpie Riebeek-Kasteel totaal omvergewerp en in ʼn afkaatsing van ʼn goedkoop riller verander.

“In al my jare as verslaggewer in die apartheidstyd is geen klopjagte op my uitgevoer nie. En nou vandeesweek se klopjag. Maar ek is nie bekommerd nie – ek het die Grondwet aan my kant. En gewone Suid-Afrikaners.

“Dat die Valke se eenheid vir misdade teen die staat al die pad van Pretoria af kon kom vir hierdie klopjag wys dat, hoewel Ramaphosa sy kabinet kon skommel, daar nog vele duistere hoeke in die organisasie van staatsmag oorbly.

“Dit is wat ons nou almal, elke Suid-Afrikaner, in gedagte moet hou. Ons moenie nou terugsit en ontspan net omdat Ramaphosa oorgeneem het nie. Elke landsburger moet ʼn aktivis wees vir vryheid en geregtigheid,” het Pauw gesê.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Pieter

Ramaposa is nie n goeie besigheidsman of hardwerkende boer nie hy het sy geld gemaak as n BEE opertunis en dit die gevolg van n sisteem wat hy onderhandel het saam met Meyer by Kodesa.

ne

Dankie!!! Ek is bly om te hoor dit is nie net ek war skepties is oor CR nie! Ons moet eenvoudig net die buiteland op hoogte hou van wat hier in SA aan die gang is. Weereens dankie dat jy die boek geskryf het. Dit maak ‘n mens bewus van al die onheil is SA.

PJ

Ek dink ons moet maar dai padda in die kookpot altyd in ons agterkop moet hou

Johann

Solank ek deel is van CR se padda sop resep… trust ek him as deel van die ANC LEGACY van ANC eerste bo als niks!

Saarkie

Cyril Ramaphosa is n Sosialis. Hy is n voorstaander van vergrepe van besittings al besit hyself miljarde. Ligloop vir hierdie wolf in skaapklere!!